Busca

Esta é unha das dúas vivendas de planta circular na aldea de Castro, ao carón do Hórreo da Miguensa.

As edificacións máis antigas de Castro: casas redondas, palleiras, alpendres... teñen todas unha pedra de seixo nas súas paredes. A finalidade destas pedras pode ser como…

Construción de planta rectangular quebrada, que segue un eixo de norte a sur, con estrutura de baixo e un andar, a partir de muros de cadeirado. Destaca unha grande balconada executada integramente en pedra na súa fachada sur. A cuberta é a catro augas, con rematado sobre armazón de madeira.

Na casa de enfronte, na súa fachada leste, atópase un escudo que nos permite imaxinar que o conxunto era máis amplo

Edificación que alberga a Casa do Concello de Dodro, construída no 1906 e restaurada na década dos 90 do século XX.

Conxunto de vivenda e anexos situados no centro do lugar de Somoza, xunto a un cruce de camiños presidido pola Cruz do Rei. Finca de grandes dimensións con muro de peche de cachotaría de granito, e acceso desde a rúa principal mediante un portón alintelado de madeira, coroado por unha imaxe en pedra dunha virxe. Edificación principal de planta rectangular e dous andares con cuberta a dúas augas de tella e muros de cachotaría de granito con remates en cantaría. Fachada…

Conxunto de dúas vivendas situadas sobre a beira do rego da Grenla, que separa os lugares de Brión e A Pedreira. Están situadas na mesma parcela, dispostas moi próximas entre si, unha con fachada á rúa e a outra sobre o regato. Tipoloxía similar, de planta cadrada e dous andares, resoltas con muros de cachotaría e cuberta a dúas augas de tella. Ocos rectangulares con carpintería enrasada de madeira e accesos en planta baixa dende o interior da parcela. Destaca o corredor…

Porto no lugar de Abuín onde paran os barcos para cargar e descargar ou para abrigarse.

Antiga casa-escola construída no ano 1903 e situada ao norte do núcleo, xunto á pista deportiva. Actualmente alberga a Sociedade Cultural Manuel Vicente Vidal.

Manuel Vicente Vidal, natural da parroquia de Santa María de Leiro, emigrou a México, onde fixo unha pequena fortuna. Sen esquecerse das necesidades da súa terra natal, mandou construír unha casa-escola para que alí recibisen ensino primario as nenas e nenos da súa…

Porto no lugar de Sobrido, na Enseada do Pico. Aínda que empregado como porto para pequenas embarcacións, a tipoloxía dos muros poderían indicar que no pasado tivo un uso de viveiro, salina ou alfolín.

Vivenda situada no interior dunha finca de grandes dimensións ao norte do lugar de Abuín. Muro de peche perimetral de cachotaría de pedra con portón alintelado situado nun extremo, sobre o cruce de acceso ao núcleo. Conta tamén con accesos desde a estrada DP-3301 e desde un camiño situado ao sur. Edificación principal en mal estado de planta rectangular e dous andares, resolta con muros de cachotaría e remates en cantaría, con cuberta a dúas augas. Hai un souto de…

Na contorna frondosa da Punta do Agriño, ao abrigo dos ventos na entrada da Enseada de Rial, localízase o embarcadoiro de Rañó. Este pequeno complexo atópase composto por unha rampla de gran envergadura, construída en pedra de granito e…

Vivenda e edificación auxiliar situadas ao norte do lugar de Abuín, dando fronte á estrada DP-3301. Edificación principal de planta cadrada e dous andares resolta con muros de cantaría de granito e cuberta a catro augas de tella. Composición simétrica das fachadas compostas por seis ocos rectangulares, exceptuando a fachada oeste, que ten acaroada unha edificación auxiliar dun só andar e cuberta a dúas augas de tella. A planta baixa da fachada principal, onde se localiza…

Porto no lugar de Rial onde paran os barcos para cargar e descargar ou para abrigarse. Chégase cruzando a Ponte de Rial, ao carón do Muíño de Lodeiros, xa na desembocadura do río do Mar ou rego de Rial no Ulla.…

Conxunto de vivendas e edificacións auxiliares dispostas linearmente a ambos lados da estrada principal do lugar. Destacan os muros de peche das fincas, de grandes dimensións, realizados en cachotaría de pedra con portóns alintelados de acceso. Conxunto parcialmente rehabilitado. Volumes de planta rectangular de dous andares nas vivendas e de planta baixa nos anexos, resoltos con muros de cachotaría e cantaría vistas e cuberta a dúas augas de tella. Fachadas de…

Conxunto de vivenda e edificacións auxiliares situado no centro do lugar de Sestelo, con acceso principal desde a praza, onde se localiza o Cruceiro da Praza. Vivenda de planta rectangular e dous andares resolta con muros de cantaría de granito e cuberta a dúas augas de tella. Composición das fachadas simétrica con ventás balconeiras no segundo andar e acceso en planta baixa…

Edificación situada no centro do lugar de Sestelo, con acceso á parcela fronte ao Cruceiro da Praza. Muro de cachotaría de peche da finca con acceso principal desde a praza, con cuberta de tella a dúas augas e reloxo de sol de cantaría nun extremo. Construción principal dedicada a…

Edificación dedicada a centro sociocomunitario, no lugar de Sestelo, que desde 1996 leva o nome do crego e poeta antifranquista Faustino Rey Romero. Foi promovida durante a Segunda República polo concelleiro do Partido Galeguista Manuel Valiño Fins, véndose interrompida a súa construción pola sublevación militar de 1936. Na parte traseira do edificio, e mirando cara a …

Conxunto de varios volumes situado nun extremo do lugar de Sestelo. Edificacións auxiliares fronte á rúa, agrupadas en torno á vivenda configurando un patio interior pechado por un muro perpendicular á fachada principal e un hórreo de grandes dimensións ao leste. Vivenda de planta rectangular e dous andares, resolta en cachotaría de granito con cuberta a dúas augas de…

A casa reitoral de Asadelos data dos séculos XVIII-XIX e está situada no interior dunha finca de grandes dimensións que rodea á Igrexa de Santa María de Asados. Construción de dous andares e planta en L resolta con muros de cachotaría e remates en cantaría, e cuberta a dúas augas de tella. Patín de…

Pazo do ano 1540, situado ao norte do lugar de Asadelos, nunha finca de grandes dimensións. Acceso principal perpendicular á fachada oeste, mediante portalón coroado por un escudo e pináculos. Escudos pertencentes á familia dos Torrado (torres e vieiras) e á dos Mariño (ondas e a serea que abraza o escudo de armas). Edificación de planta rectangular e dous andares, con varios volumes acaroados, resolta con muros de cachotaría e remates de cantaría. Cuberta a catro augas…

Conxunto dúas vivendas acaroadas, situadas ao norte do lugar da Mámoa, nunha finca de grandes dimensións delimitada por un muro de peche de cachotaría de granito, con accesos desde a rúa e na parte traseira da finca, xunto ao Cruceiro da Mámoa. Edificacións de planta rectangular de dous andares, con cuberta a dúas augas de tella sobre estrutura de madeira, e muros de cachotaría de granito enfuscados e pintados con remates en cantaría nos recercados e peitorís. Fachada…

Conxunto de vivenda e edificacións auxiliares con finca, situado entre os dous centros tradicionais do lugar, nun cruce de camiños presidido polo Cruceiro da Mámoa. Acceso á finca desde o cruce, mediante un volume cuberto con porta alintelada cunha inscrición co ano de construción da vivenda (1920) e as iniciais da familia. Edificación principal de planta rectangular e dous andares, resolta con muros de cachotaría de pedra e cuberta a dúas augas de tella. Fachada…

Conxunto de vivenda e anexos situados no extremo norte do lugar do Laxido, sobre o cruce do camiños. Muro de cachotaría de peche da finca con dous accesos: un ao sur a través dun volume cuberto con portada alintelada coroada por unha estatua da virxe e outro ao leste, fronte ao Cruceiro de Lustres. Edificación principal de planta rectangular e dous andares con cuberta a dúas…

Vivenda de principios do século XX, localizada na praza central do lugar da Capela, xunto ao Pazo dos Calotes. Edificación principal de dous andares e planta trapezoidal, cun anexo acaroado á fachada suroeste. Está realizada con muros de cachotaría e cantaría na fachada principal, con cuberta a dúas augas de tella. Acceso desde a praza, baixo un balcón corrido de pedra no segundo…

Edificación en esquina de planta trapezoidal situada no cruce das estradas de Burés e Asados. Vivenda de dous andares e cuberta a catro augas de tella, realizada con muros de cachotaría, con remates de cantaría nas esquinas, nos recercados dos ocos e na imposta. Fachadas de composición simétrica con ventás balconeiras no segundo andar e accesos nas tres fachadas que dan á rúa mediante portas de dúas follas de madeira con molduras. Ten unha edificación anexa na fachada sur…