Casa reitoral de Santa María de Asados

Casa reitoral de Santa María de Asados - Rianxo - Santa María de Asados

Imaxe: culturagalega.gal

A casa reitoral de Asadelos data dos séculos XVIII-XIX e está situada no interior dunha finca de grandes dimensións que rodea á Igrexa de Santa María de Asados. Construción de dous andares e planta en L resolta con muros de cachotaría e remates en cantaría, e cuberta a dúas augas de tella. Patín de acceso ao primeiro andar na fachada nordeste, con balcón coa cuberta de fibrocemento sobre dúas pilastras de granito. Edificacións auxiliares acaroadas á principal, xerando un patio interior, ao que se accede mediante un portón alintelado.

Castelao publica no número 73 de 1930 da revista Nós, a historia que recolle dunha vella de Asados. Conta a lenda que uns ladróns van buscar na noite ao cura á casa reitoral. Queren que lles acompañe ao cruceiro do adro, para poñerlle os sacramentos a unha muller que vai morrer, ou sexa, á que ían asasinar. Ao día seguinte apareceu removida a terra nun curruncho do adro, como se alí soterraran a un defunto aquela noite.

  • INFORMACIÓN
  • Código: RI-AC002
  • Outras denominacións: Casa reitoral de Asadelos
  • Tipoloxía: Arquitectura civil
  • Cronoloxía: Séculos XVIII-XIX
  • Concello: Rianxo
  • Parroquia: Santa María de Asados
  • Lugar: Asadelos
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (A-009)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

    Castelao no Barbanza | culturagalega.gal

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Casa dos Aguirre

Casa de Traba

Casa Adelaida

Escola do Pazo