Pazo dos Calotes
Imaxe: Quantum Grupo Inmobiliario
Pazo que data do século XVII (1628 a 1639) e que foi rehabilitado para albergar un negocio de eventos e restauración. Está localizado no interior dunha finca de grandes dimensións con acceso polo sur fronte á fachada principal do pazo. Edificación orixinal de dous andares con cuberta a catro augas de tella e planta cadrada. Está realizada con muros de cantaría vistos na fachada principal e encalados no resto. A este edificio engadíuselle un volume na fachada posterior realizado con prefabricados de formigón e de cuberta plana. Fachada principal con soportal, con columnas de granito de sección circular e capiteis decorados, que soportan os arcos de medio punto baixo o balcón do segundo andar. Conta cun brasón da Casa de Soutomaior e de Xunqueiras.
En 1630 foi construída na mesma finca, por orde de don Juan de Santiago Figueroa, cóengo da Catedral de Santiago, unha capela pertencente aos mesmos señores e que dá lugar ao topónimo do lugar. Cóntase no lugar que existe un pasadizo subterráneo que o une coa igrexa.
Castelao e Bouza-Brey publican no número 113 de 1933 da revista Nós, un artigo sobre os escudos de Rianxo, no que que inclúe o do Pazo dos Calotes.
- INFORMACIÓN
- Código: RI-AC012
- Outras denominacións: Casa Grande do Araño
- Tipoloxía: Arquitectura civil
- Cronoloxía: 1628
- Concello: Rianxo
- Parroquia: Santa Baia do Araño
- Lugar: A Capela
- Acceso a pé: Bo
- Galería de imaxes: Acceder
- Conservación:
-
- Protección:
Plan Xeral de Ordenación Municipal do Concello de Rianxo (B-008)
Inventario Xeral do Patrimonio Cultural de Galicia
- Referencias:
Plan Xeral de Ordenación Municipal do Concello de Rianxo - Aprobación inicial de maio 2014
- XEOLOCALIZACIÓN
- Coordenadas: 42.69253902447 , -8.7955891806389
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.
