Ponte de Rial

Ponte de Rial - Rianxo - Santa María de Leiro

Imaxe: ilhadeorjais.blogspot.com

Ponte que se atopa no camiño que vai para o Porto de Leiro, xa na desembocadura do chamado río do Mar ou rego de Rial, xunto ao Muíño de Lodeiros. Estrutura alintelada de tres vans, realizada con pezas de cantaría e piso de rasante horizontal de lousas de granito. Pretil composto por tres pezas enteiras de granito, con pequenas aberturas centrais.

Trátase dunha delicada obra de cantaría, onde a lóxica é o coñecemento do medio resultan evidentes. Os piares teñen a forma arredondada por un extremo, o que se enfronta á corrente, e cadrada polo outro. Con isto conséguese que haxa unha menor resistencia ao río e, aínda máis, unha menor acumulación de restos de árbores traídos pola auga. En previsión de cheas, as lousas dos peitorís teñen uns buratos cadrados por onde escorregar a auga.

  • INFORMACIÓN
  • Código: RI-OC002
  • Outras denominacións:
  • Tipoloxía: Obra civil
  • Cronoloxía: -
  • Concello: Rianxo
  • Parroquia: Santa María de Leiro
  • Lugar: Rial
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (O-002)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

    Patrimonio Galego

    Ilha de Orjais

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Pombal Nº 2 do Monte de Dorna

Palco da música de Quintáns

Pombal de Asadelos

Ponte de Rial