Busca

Vivenda tradicional de grande tamaño que presenta planta rectangular, dúas alturas (inclúe tamén sobrado) e cuberta a un par de augas. Construída en cantaría de boa calidade, os seus muros preséntanse enfuscados e pintados, deixando á vista a pedra só nos eixos estruturais. Os seus muros presentan unha serie regular de ocos en forma de portas e xanelas de tres batentes.

Con todo, o elemento máis singular da vivenda é o singular alpendre con planta en forma de…

Vivenda unifamiliar de orixe tradicional de planta poligonal, dous andares e cuberta a catro augas. O sector menos intervido da casa é a súa fachada leste, onde se sitúa un fermoso balcón corrido e voado sobre o rueiro, situado no andar residencial. Este preséntase sustentado por canzorros de dúas pezas que serven de apoio á plataforma pétrea do balcón.

Vivenda tradicional localizada no núcleo de Barral que presenta unha planta en forma de L e dous andares levantados en cantaría de granito. Aparece rodeada por un muro de cachotaría que delimita unha finca de pequeno tamaño que acolle no seu interior un hórreo mixto de tres claros. Os seus muros acollen unha serie de vans de tamaño semellante que seguen un ritmo regular ao longo das súas fachadas.

O elemento máis salientable da vivenda é a escalinata dun único…

Casa grande localizada no núcleo de Coaxe que presenta unha planta en forma de L e dous andares levantados en cantaría de granito. Aparece rodeada por un muro de cachotaría que delimita unha finca de tamaño mediano que acolle no seu interior un hórreo mixto de tres claros. Os seus muros acollen unha serie de vans que seguen un ritmo regular ao longo das súas fachadas.

O elemento máis salientable da vivenda son o soportal e balcón corrido e voado que miran ao patio…

Emprazada na Baiuca, ao carón do cruceiro do lugar. Edificio de planta rectangular conformado por dous volumes apegados, unha aula e unha vivenda para o mestre/a, protexidos por unha cuberta a dúas augas. Construídos en cantaría de baixa calidade, a aula presenta unha maior altura, así como un maior interese arquitectónico, fundamentalmente na súa fachada principal…

Vivenda tradicional de planta rectangular, dúas alturas e cuberta a un par de augas. Construída en cantaría de mediana calidade, o andar baixo foi pensado para acoller as cortes do gando, de aí que careza practicamente de ocos. Estes concéntranse no andar superior, onde se dispoñen xanelas de tres batentes protexidas por tornachuvias. A principal singularidade dos muros portantes é a inclusión de mechinais que perforan o terzo superior dos muros.

Con todo, o…

Un total de cinco muíños que, identificados de noroeste a sueste, reciben os nomes de: Muíño de Lorenzo, Muíño de Catoira, Muíño do Ribeiro, Muíño de Moure e Muíño de Casal.

O muíño tipo responde a unha torre de planta circular sen ningún tipo de plataforma feita con cachotaría de granito. O único van é a porta de madeira, que leva a un pequeno cubículo soterrado. O interior ten unha única planta e o piso é de pedras irregulares. A cuberta é a dúas augas, feita…

Casa reitoral construída no ano 1797 localizada no núcleo de Tarrío que presenta unha planta en forma de L e dous andares levantados en cantaría de granito. Aparece rodeada por un muro de cachotaría que delimita unha finca de tamaño mediano que acolle no seu interior un hórreo de pedra de catro claros. Os seus muros acollen unha serie de vans de tamaño semellante que seguen un ritmo regular ao longo das súas fachadas. Balcón voado con forxa na fachada orientada ao oeste…

Casa grande localizada estratexicamente á beira do Camiño Real e da Ponte Vella de Catoira, que aparece conformada por dous corpos rectangulares que definen un andar en forma de L e dous andares levantados en cantaría de granito. Está rodeada…

Casa reitoral localizada ao pé da igrexa parroquial que presenta cuberta a dúas augas, unha planta en forma de escuadra e dous andares levantados en granito. Aparece rodeada por un muro de cachotaría que delimita unha finca de tamaño medio.

Os muros da edificación acollen unha serie de vans de tamaño uniforme que seguen un ritmo regular ao longo das fachadas, destacando a portadaire que permite acceder a os balcóns orientados ao sur e leste. O elemento máis…

Restos dun muíño de vento derrubado. Os muros perimetrais que se conservan acadan os 40 centímetros de altura. Trátase dos alicerces dun muíño de vento de tipoloxía de muíño moi pouco evolucionada do tipo de torre fixa con cuberta tamén fixa, asentado directamente sobre o terreo, sen plataforma algunha.

A torre do edificio orixinal era cilíndrica, de 3,10 metros de diámetro interior e máxima altura de muros de 2,80 metros. As paredes son de cachotes con rachas, de…

Casa reitoral localizada nas proximidades da igrexa parroquial que presenta unha planta en forma de L e dous andares levantados en cantaría de granito. Aparece rodeada por un muro de cachotaría que delimita unha finca de gran tamaño que acolle no seu interior un hórreo e un patio.

Os seus muros acollen unha serie de vans de distinto tamaño que seguen un ritmo regular ao longo das fachadas que miran aos espazos privados (patio e finca singular), destacando a…

Estrutura dun muíño de vento de tipoloxía moi pouco evolucionada do tipo de torre fixa con cuberta tamén fixa, asentado directamente sobre o terreo, sen plataforma algunha.

Torre cilíndrica que supera os 5 metros, sobre unha plataforma, feita de cachote con pequenas rachas e perpiaños nos vans. Os muros teñen abundancia de pequenas buratas empregadas para encaixar as vigas do piso da planta superior ou serviren quizais para as pombas. Ten dúas portas e encima…

O Pazo da Baiuca é o inmoble residencial máis destacado do municipio de Catoira. Localizado no núcleo que lle dá nome, presenta unha planta rectangular e dous andares levantados en cantaría de granito, baixo unha cuberta a tres augas. A súa finca aparece rodeada por un muro de cachotaría que delimita unha finca de grande tamaño que acolle no seu interior un hórreo de considerables…

Conxunto levantado no ano 1767 que está formado por capela, casa principal, antigas cortes, edificio complementario destinado a almacén, despensa e lavandería, comedor exterior, hórreo de seis claros integramente labrado en pedra e…

O edificio, de estilo ecléctico, unicamente conserva a fachada en pé. Levantada en granito de boa calidade, a súa fronte presenta unha serie de ocos regulares organizados en rúas verticais e horizontais: no eixo un conxunto de tres ocos agrupados con protagonismo do central (alintelados no andar primeiro e baixo arco de medio punto arriba), e un par de vans organizados verticalmente nos extremos. Coroa o inmoble un acroterio de deseño simple que sitúa un óculo…

Un total de tres muíños que, identificados de noroeste a sueste, reciben os nomes de: Muíño do Monte Mesón, Muíño de Míguez e Muíño do Loureiro. Trátase dunha tipoloxía de muíño moi pouco evolucionada, do tipo de torre fixa con cuberta tamén fixa, asentado directamente sobre o terreo, sen plataforma algunha.

A torre é cilíndrica, de 3,10 metros de diámetro interior e máxima altura de muros de 2,80 metros. As paredes son de cachotes con rachas, dun grosor máximo de…

Edificio de tipoloxía simple que presenta planta rectangular, dúas alturas e cuberta a dúas augas. Foi levantado en dúas fases utilizando cantaría de granito, sendo moi apreciable a plementería ben escuadrada e mellor dimensionada na contorna dos ocos e nos eixos estruturais do inmoble. A súa fachada presenta ocos con xanelas de tres batentes. Ao seu eido accédese a través dun portalón de acceso que, antano, estivo coroado por unha cruz granítica, hoxe desaparecida.…

Antigamente pertencía a unha das capelanías do Santuario da Escravitude. Foi rehabilitado pola Fundación Paideia no ano 2007.

Este xardín conta cun grande interese didáctico e cultural, xa que por unha parte constitúe unha proba de como se poden aproveitar os espazos pedregosos, con pendentes pronunciadas e escaso solo, como áreas de esparexemento, e por outra permite coñecer plantas pouco habituais nos xardíns galegos.

A práctica totalidade das plantas…

Esta estación, hoxe desaparecida, era moi semellante á que na actualidade aínda existe en Padrón.

Cando apenas pasaran dezanove días desde a inauguración da liña de ferrocarril, apareceu un anuncio na páxina tres do número 382 do xornal El Diario de Santiago, onde se publicaba que, con motivo da festividade da Virxe do Rosario da Escravitude, se poñía a disposición do público un servizo de trens extraordinarios para o domingo 5 de outubro de 1873. O…

Edificio de planta irregular, formado por varios corpos rodeando un patio. Construído a base de cantaría e perpiaños de granito, con teito a dúas augas, agás nos corpo máis alto que vai a catro. Na fachada ten unha escaleira e un patín en forma de U. Un muro rodea a finca, cunha zona axardinada na zona da entrada do pazo, onde se localiza a Capela de Santa Cruz.

…

Este era o lugar onde se construían as travesas de madeira do dique que protexía Padrón das augas do río Sar durante os séculos X e XI. Esta construción prolongábase ao norte pola rúa Ferreiros, na que, como seu nome indica, asentábase o gremio de ferreiros da época.

Zona histórica onde se localizaba o gremio dos panadeiros en Padrón.

Historicamente coñecida como Praza do Fiado, mais desde o 16 de xullo de 1920 baixo a denominación actual de Praza de Macías O Namorado. A configuración actual da praza xurdiu tras o derrubamento de algunhas casas que ocupaban este espazo.

O trobador medieval Macías O Namorado dá o actual nome a esta praza. Macías O Namorado foi un trobador e poeta…