Casa das Pexegas

Casa das Pexegas - Catoira - San Miguel de Catoira

Imaxe: @quieresverr

Casa grande localizada estratexicamente á beira do Camiño Real e da Ponte Vella de Catoira, que aparece conformada por dous corpos rectangulares que definen un andar en forma de L e dous andares levantados en cantaría de granito. Está rodeada por un muro de pedra que delimita unha finca de tamaño medio que acolle no seu interior un hórreo de tres claros e un alpendre de grande tamaño.

Os seus muros acollen unha serie de vans de distinto tamaño, algún deles con trabatel e tornachuvias, que seguen un ritmo regular ao longo das súas fachadas, especialmente nas que miran ao patio e ao Camiño Real, sendo practicamente inexistentes no seu muro norte.

A denominación de Casa das Pexegas é porque un dos donos era un home que sempre andaba cun pau de pexegueiro na man e un mono no ombro, vixiando a propiedade en busca da xente que lle roubaba froita e todo aquilo que plantaban. Na propia casa estaba a escola do pobo, por onde pasaron varias mestras por ela, algunha das cales chegou a vivir na casa e ser parte da familia.

  • INFORMACIÓN
  • Código: CA-AC006
  • Outras denominacións:
  • Tipoloxía: Arquitectura civil
  • Cronoloxía: -
  • Concello: Catoira
  • Parroquia: San Miguel de Catoira
  • Lugar: A Ponte
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Catoira (A_010) - Aprobación inicial de 2012

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Catoira - Aprobación inicial de 2012

    Entre lusco e fusco

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Casa reitoral de San Miguel de Catoira

Escola Feminina de Catoira

Casa reitoral de San Pedro de Dimo

Cine Rañó