Casa do Souto

Vivenda tradicional de grande tamaño que presenta planta rectangular, dúas alturas (inclúe tamén sobrado) e cuberta a un par de augas. Construída en cantaría de boa calidade, os seus muros preséntanse enfuscados e pintados, deixando á vista a pedra só nos eixos estruturais. Os seus muros presentan unha serie regular de ocos en forma de portas e xanelas de tres batentes.

Con todo, o elemento máis singular da vivenda é o singular alpendre con planta en forma de escuadra que se sitúa ao noroeste da casa, un espazo aberto ao que se accede a través do patio que tamén dá acceso a un fermoso hórreo mixto de tres claros.