Capela de Santa Cruz
Imaxe: Daniel Seijas
Capela de estilo barroco que forma parte do conxunto de edificacións que conforman o Pazo de Santa Cruz da Granxa. Planta rectangular dunha nave e presbiterio cadrado, destacado na planta e no alzado. Cantaría de granito. Fachada con frontón recto, que inclúe unha fornela no tímpano e pequena espadana sinxela; presbiterio de arco triunfal de medio punto sobre pilastras e cúpula cega. No seu interior garda unha fermosa imaxe da Virxe das Dores.
Segundo explica Daniel Seijas, no día de Santa Cruz celebrábase aquí unha pequena romaría, unha das máis populares e queridas para os veciños de Cesures, Herbón, Padrón e outros lugares da contorna. Era un romaría campestre, de levala comida e de botar todo o día, baixo unha grande carballeira que había. Cantidades de romeiros cruzaban a Ponte de Ferro, e logo de formigón, do ferrocarril desde San Xulián. Nos anos 20 e 30 sábese que viñan moitas persoas en lanchas e dornas , ao estilo romaría dos Caneiros de Betanzos e era tradición vender e comer as primeiras cereixas da temporada. Os romeiros ían refrescarse á bonita fonte, que hai diante do pazo.
- INFORMACIÓN
- Código: PA-AR014
- Outras denominacións:
- Tipoloxía: Arquitectura relixiosa
- Cronoloxía: Século XVIII
- Concello: Padrón
- Parroquia: Santa María de Herbón
- Lugar: Santa Cruz
- Acceso a pé: Bo
- Galería de imaxes: Acceder
- Conservación:
-
- Protección:
Plan Xeral de Ordenación Municipal do Concello de Padrón
Inventario Xeral do Patrimonio Cultural de Galicia
- Referencias:
Plan Xeral de Ordenación Municipal do Concello de Padrón, aprobado o 27 de xullo de 1994
- XEOLOCALIZACIÓN
- Coordenadas: 42.733205063099 , -8.6465933543968
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.