Pazo de Santa Cruz da Granxa

Pazo de Santa Cruz da Granxa - Padrón - Santa María de Herbón

Imaxe: Daniel Seijas

Edificio de planta irregular, formado por varios corpos rodeando un patio. Construído a base de cantaría e perpiaños de granito, con teito a dúas augas, agás nos corpo máis alto que vai a catro. Na fachada ten unha escaleira e un patín en forma de U. Un muro rodea a finca, cunha zona axardinada na zona da entrada do pazo, onde se localiza a Capela de Santa Cruz.

Segundo explica Daniel Seijas, no día de Santa Cruz celebrábase aquí unha pequena romaría, unha das máis populares e queridas para os veciños de Cesures, Herbón, Padrón e outros lugares da contorna. Era un romaría campestre, de levala comida e de botar todo o día, baixo unha grande carballeira que había. Cantidades de romeiros cruzaban a Ponte de Ferro, e logo de formigón, do ferrocarril desde San Xulián. Nos anos 20 e 30 sábese que viñan moitas persoas en lanchas e dornas , ao estilo romaría dos Caneiros de Betanzos e era tradición vender e comer as primeiras cereixas da temporada. Os romeiros ían refrescarse á bonita fonte, que hai diante do pazo.

  • INFORMACIÓN
  • Código: PA-AC008
  • Outras denominacións:
  • Tipoloxía: Arquitectura civil
  • Cronoloxía: Século XVIII
  • Concello: Padrón
  • Parroquia: Santa María de Herbón
  • Lugar: Santa Cruz
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Padrón

    Inventario Xeral do Patrimonio Cultural de Galicia (RI.000010621)

  • Referencias:

    Plan Xeral de Ordenación Municipal do Concello de Padrón, aprobado o 27 de xullo de 1994

    Patrimonio Galego

    Daniel Seijas

    Daniel Seijas

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Praza do Fiado

Escola de Pousada

Escola de Extramundi

Escudo barroco