Busca

Porto no lugar de Abuín onde paran os barcos para cargar e descargar ou para abrigarse.

Porto no lugar de Sobrido, na Enseada do Pico. Aínda que empregado como porto para pequenas embarcacións, a tipoloxía dos muros poderían indicar que no pasado tivo un uso de viveiro, salina ou alfolín.

Na contorna frondosa da Punta do Agriño, ao abrigo dos ventos na entrada da Enseada de Rial, localízase o embarcadoiro de Rañó. Este pequeno complexo atópase composto por unha rampla de gran envergadura, construída en pedra de granito e…

Porto no lugar de Rial onde paran os barcos para cargar e descargar ou para abrigarse. Chégase cruzando a Ponte de Rial, ao carón do Muíño de Lodeiros, xa na desembocadura do río do Mar ou rego de Rial no Ulla.…

Antigo serradoiro situado á beira do río Ulla, a uns 230 metros da Telleira de Quintáns, tamén na ribeira do Ulla. O conxunto está formado dúas construcións independentes dispostas en L. Edificación principal de planta irregular resultado da agrupación de varios volumes, resolta con estrutura de formigón e cerramento de bloque, coa cuberta a dúas augas de…

Localízase no lugar Agro de Telleira, entre Quintáns e A Vacariza, a uns 230 metros do Serradoiro de José Ribeiro, tamén na ribeira do Ulla.

Nada se sabe da súa construción ou orixe. A súa propiedade era da familia Rivela, da muller de Ramón Rodríguez "Roeiro".…

Na década dos anos sesenta e setenta, e incluso nos oitenta, era habitual ver navegar o leito do río Ulla por grandes barcazas cargadas de area. Era unha actividade emerxente que naceu baixo o paraugas da construción, pois as obras, tanto públicas como privadas, comezaban a alorar por todos os municipios da comarca e Galicia. Foi unha actividade moi importante e que deu de comer a moitas…

Palco octogonal construído en pedra.

Na Telleira de Quintáns extraíase barro do monte veciño, do outro lado da estrada, onde había “dúas ou tres covas de onde apañaban o barro”. Este barro era rico en xisto, polo que o mesturaban co procedente de Dena.

Na baixada do Monte Agudo desde A Porteliña, esta antiga telleira emprázase na Punta Palleiro, preto das Trece Cruces.

Cruceiro que parece ser do tipo de capela ou loreto. Está construído sobre unha plataforma de dous chanzos sobre o que se coloca unha columna que remata de forma cadrada e ten as arestas chafranadas no resto da súa superficie. No fronte ten unha o que semella ser un peto de ánimas para algúns, e para outros simplemente un lugar onde depositar as esmolas da xente.

Cruceiro construído en granito por plataforma de tres chanzos sobre os que se asenta o pedestal de forma cuadrangular, coas esquinas superiores cortadas en bisel e rematando de forma circular moldurada. O fuste é de sección cuadrangular, comezando de forma cadrada. Está desaparecido o capitel e a cruz.

Localizado no alto do muro de cachotaría de peche da Casa Nº 1 de Sestelo.

Tamén coñecida como a Pontella do Rechán de Guixar, foi construída para salvar o rego do Treito no camiño que percorrían os defuntos para ser enterrados na parroquia de Santa Baia do Araño antes de que a aldea de Bustelo pertencera á parroquia de San Xoán de Laíño.

Antes de construír a…

Cruceiro do tipo de cruz, recolocado unha encrucillada de camiños entre os lugares de Suigrexa e Somoza.

Cruceiro do tipo de crucifixo nunha encrucillada de camiños en Pousada. Sufriu as inclemencias meteorolóxicas e foi restaurado posteriormente polo Concello de Rianxo.

Cruceiro de granito situado no cruce do Bosque, ao leste da rúa de Pazo, da tipoloxía de cruz.

Plataforma de tres chanzos, con moldura perimetral no chanzo superior sobre o que apoia unha base cadrada con remates nos vértices e decoración xeométrica nas caras. Fuste octogonal con sección cadrada no contacto coa base e capitel decorado con motivos vexetais que sostén…

Cruz de granito sobre o muro de peche dunha vivenda situada á beira da estrada principal, nun dos cruces de acceso ao Pazo.

Cruz latina sen imaxes co brazo inferior máis longo apoiado sobre unha base cadrada. Sección cadrada coas arestas chafranadas e decoración nos tres vértices superiores e nos extremos do brazo lonxitudinal.

Cruceiro de granito situado no acceso sur de Rianxiño, nas proximidades do Pazo de Rianxiño, da tipoloxía de crucifixo.

Plataforma de dous chanzos. Posúe unha base composta por un corpo con toro e escocias. A continuación ven o varal, que comeza cunha sección cadrada moldurada…

Cruceiro de granito situado no acceso oeste de Rianxiño, ao final da rúa de San Xosé, da tipoloxía de crucifixo.

Plataforma de tres chanzos de sección cadrada. A súa base cúbica moldurada coas arestas rebaixadas dá paso a un varal de sección octogonal. O seu capitel cadrado está decorado con cariñas de anxos nos seus catro lados. O conxunto remata nunha cruz de sección…

Cruceiro de granito situado na marxe norte da rúa da Fincheira, da tipoloxía de crucifixo.

Plataforma feita a base de perpiaño granítico irregular. A continuación dous chanzos de sección cadrada e arestas chafranadas, o primeiro deles moldurado. A base, de sección octogonal, presenta relevos decorativos moi erosionados que semellan símbolos da Paixón. O varal nace cunha…

Pombal no interior dunha finca situada ao sur do lugar da Igrexa. Planta circular e muros de fábrica de cachotaría de pedra enfuscados, con cuberta a unha auga de pendente pronunciada e pequeno asoleirado perimetral.

Pombal na parte traseira dunha finca situada ao sur de Iñobre. Tipoloxía propia destas construcións, de planta circular e muros de cachotaría de pedra, con cuberta a unha auga e asoleirado perimetral.

Pombal situado nunha finca no extremo de Corques, xunto a un hórreo de granito. Planta circular e muros de fábrica de cachotaría de pedra enfuscados e pintados, con cuberta a unha auga de pendente pronunciada, con asoleirado perimetral superior baixo os ocos de acceso das pombas.