Pontella da Devesa do Rei

Pontella da Devesa do Rei

Imaxe: Sendeiros de Dodro | Concello de Dodro

Tamén coñecida como a Pontella do Rechán de Guixar, foi construída para salvar o rego do Treito no camiño que percorrían os defuntos para ser enterrados na parroquia de Santa Baia do Araño antes de que a aldea de Bustelo pertencera á parroquia de San Xoán de Laíño.

Antes de construír a Igrexa de San Xoán de Laíño en 1754, a aldea de Bustelo pertencía á parroquia de Santa Baia do Araño. O Camiño dos Mortos ía paralelo ao rego do Treito ou río de Bouzas que lle chaman os de Bustelo, mais ao non estar feita esta pontella moitas veces era imposible o traslado dos defuntos cara o camposanto, polas enxurradas que no inverno facían imposible transitar polo camiño, tendo que agardar varios días na aldea hasta que as condicións do río permitiran á comitiva fúnebre achegarse ate a igrexa. Un ano que había moita enchente non puideron cruzar o río e tiveron que dar volta e enterrar ao finado en San Xoán de Laíño, foi aí cando decidiron cambiar de concello.

Unha vez construída a Igrexa de San Xoán de Laíño, os veciños de Bustelo decidiron trasladar aos defuntos até a nova igrexa, pois as condicións do camiño eran moito mellores e o treito era menor.

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Pombal da Casa Nº 1 de Sestelo

Ponte do Araño

Pombal de Chorente

Erguedoiro da casa reitoral de Santa María de Isorna