Busca

Lavadoiro construído en 1944 á beira do Camiño Real, sendo alcalde Genaro Vidal, natural desta aldea, en pleno apoxeo da ditadura franquista, e como xesto de magnificencia cara aos seus veciños.

Mide 10 metros de longo, por 4 de ancho, con 10 pedras de lavar. Ten un tellado con tella do país que descansa sobre nove piares de pedra e tres travesas de madeira.

Está situado…

Lavadoiro con predominio da lonxitude sobre o ancho, con seis pedras de lavar por cada lado, e con cuberta cunha estrutura de columnas de pedra e vigas de madeira sobre as que descansa un armazón de madeira con tella curva.

Localizáronse fragmentos de tégula galaico-romana neste lugar. En prospección realizada en 2009, constatouse a existencia de máis fragmentos de tégula moi rodados. Ademais, tamén se observa un crecemento desigual no millo plantado nesta zona, o que fai indicar a presenza de estruturas soterradas.

Dada a súa proximidade ao leito do río Ulla, puido ser unha estación portuaria, ou outra construción vinculada co río.

A mámoa esta moi preto do límite dos concellos de Dodro e Rois, na aldea da Chisca. Ten uns 20 metros de diámetro e 3 ou 4 metros de altura, con cono de violación. Estaría aquí o famoso tesouro do Campo da Chisca, que segundo di a lenda, aparecería cando pasara un rabaño de ovellas, e unha delas cunha pata tocaría nunha pedra e o atoparía.

Muíño de cubo con tellado a dúas augas, aínda que unha delas de escasamente 1 metro. Dunha altura aproximada de 6 metros até o cume, consta de dúas alturas diferenciadas, posiblemente con dous andares, coas paredes de cantería. Ten unha soa pedra de moer, nun espazo interior duns 30 metros cadrados. En tempos, tiña un piso superior de madeira para almacenar diferentes materiais para a moenda. A auga corre por unha canle de cantaría arriba dun muro de cachotaría de 30…

Muíño de cubo con canle de máis de 30 metros sobre muro de cachotaría, que recolle a auga do Pozo do Souto no rego de Imo. Tellado a unha auga con pranchas onduladas de fibrocemento parcialmente, cuberto con tella do país. As paredes son de cachotaría. Aínda conserva todos os elementos do muiño aínda que coas obras de soterramento do rego de Imo ao seu paso pola Eira da Lavandeira…

Muíño emprazado na ribeira oeste do rego de Manselle. Construído a partir de muros de cachotaría encintada, agás os marcos de portas e xanelas, que son de cantaría. A auga que o fornece chega a través dunha longa canle de pedra. Cuberta a dúas augas, con remate de tella camba.

Muíño de planta rectangular a partir de muros de cachotaría e cuberta a dúas augas, con remate de tella curva sobre armazón de madeira.

Muíño de planta cadrada, con estrutura de muros de cachotaría e cuberta a unha soa auga, con rematado de tella curva sobre armazón de madeira.

Muíño de planta rectangular a partir de muros de cachotaría, sen cuberta.

Muíño de planta rectangular con estrutura de muros de cachotaría nos lados maiores, e cantaría irregular nos menores. A cuberta era a unha soa auga, con acabado de tella camba.

Muíño de planta rectangular a partir de muros de cachotaría, sen cuberta.

Muíño de planta rectangular a partir de muros de cachotaría e cuberta a unha soa auga, con remate de tella curva sobre armazón de madeira.

Muíño de planta cadrada a partir de muros de cachotaría, agás os marcos de portas e xanelas que son de cantaría, coa parte máis alta próxima ao curso do río, lucida con morteiro de cemento. Cuberta a dúas augas con rematado de tella curva sobre armazón de madeira.

Muíño de planta rectangular a partir de muros de cachotaría, agás os marcos de portas e xanelas que son de cantaría. Cuberta a dúas augas con rematado de tella curva sobre armazón de madeira.

Muíño de planta rectangular a partir de muros de cachotaría e cuberta a dúas augas, con rematado de tella curva.

Muíño de planta rectangular a partir de muros de cachotaría, sen cuberta.

Muíño de planta rectangular e estrutura a partir de muros de cadeirado e cuberta a unha soa auga, con rematado de tella curva sobre armazón de madeira.

O Pazo de Lestrobe, O Palacio, foi a residencia de recreo dos prelados composteláns. A idea foi do arcebispo Bartolomé Raxoi e Losada que era home de grandes empresas. Ordenou levantar o Seminario de Confesores que leva o seu nome na Praza do Obradoiro, e pouco antes de morrer tiña en mentes facer un gran canal desde Padrón para levar o mar a Compostela.

Despois da revolta irmandiña, o…

O Pazo do Marqués de Bendaña estaba cinguido por un bosque de piñeiros e carballos. Atribúeselle a creación a Marcos Fandiño. Destacaba a torre, de planta rectangular que o presidía, sobre o patio de honra das casas que o rodeaban. Era unha valiosa mostra do barroco galego, en concreto compostelán. Tiña unha balconada que corría ao longo da fachada á altura do primeiro andar. Posuía gárgolas nas catro esquinas e un escudo historiado baixo o beiril.

O brasón estaba…

Pedra que usaban os nenos do lugar como tobogán para tirarse por ela. Ten un pátina lisa case coma un cristal por onde baixaban escorregando os nenos. Cuns tres metros de altura e escasamente medio metro de pátina.

Pedra situada á beira do Camiño Real que une Padrón e Rianxo, descrito polo Pai Sarmiento. Unha vez subidos enriba dela faise mover compasadamente sen moito traballo. Era lugar de xogos, fai moitos anos, para os nenos pequenos, pois ao seu carón hai outras pedras con ocos que se usaban para agocharse e resgardarse da choiva. Na parte superior ten cazoletas, posiblemente orixinadas pola auga.…

A Pedra Ventureira (do latín vultur, voitre), como di Manuel Lorenzo Baleirón en “Toponimia de Dodro e Laíño. Os nomes na auga”: "é unha enorme mole de granito con forma máis ou menos piramidal duns 4 metros de alto e uns 3 metros na base, situada na contorna do Miradoiro de Lestrobe. Está situada na parte de arriba do…