Busca

Cruceiro de granito situado no cruce de acceso a Cartomil desde a estrada principal, da tipoloxía de crucifixo. Está situado no interior dunha propiedade privada.

Base moldurada. O seu varal, cadrado no inicio e cilíndrico no resto, dá paso a un capitel decorado con volutas e rostros de anxos. O conxunto remata nunha cruz florenzada na que aparece a imaxe de Cristo…

Cruceiro de granito situado á beira da estrada principal de Pastoriza, da tipoloxía de capeliña.

Plataforma feita con perpiaños graníticos. A continuación un chanzo de sección cadrada. O groso varal, de sección cadrada coas arestas rebaixadas, posúe unha inscrición moi erosionada na que aínda se pode ler o ano da súa feitura: “1636”. Onde acaban os rebaixes superiores…

Cruceiro da tipoloxía de capeliña ou loreto no lugar da Laxe Pequena.

O conxunto érguese sobre unha laxe de pedra parcialmente asfaltada en época recente. Consta dunha plataforma de tres chanzos sobre a que apoia un varal dunha soa peza de arestas rebaixadas, decorado con catro cunchas nos remates superiores dos chafráns. Capeliña con base tronco piramidal inversa e…

Cruceiro de granito no interior dunha finca, situada na marxe leste da estrada de Taragoña, entre Cartomil e Ourolo.

Da tipoloxía de crucifixo, ten unha plataforma de planta cadrada composta por dous chanzos e base prismática sobre a que se ergue un fuste de sección circular. Capitel con decoración vexetal, volutas nos extremos e rostros de anxos alados, que sostén unha…

Cruceiro de granito situado na praza de Campo de Pazos, da tipoloxía de imaxe.

Plataforma tres chanzos de sección cadrada. A súa base moldurada posúe unha inscrición que di: ”A DEVOCION DE MANUEL LMEDA Y MANUEL COSTAS TRILLO”. O varal, de sección cadrada coas arestas rebaixadas, dá paso a un capitel decorado con volutas, follas de acanto, querubíns. O conxunto remata…

Miradoiro localizado na Punta Fincheira que ofrece unhas fermosas vistas das praias de Quenxo e Tanxil.

Cruceiro de granito situado nun cruce sobre o camiño principal que baixa á Capela de San Xoán Bautista de Vista Real, da tipoloxía de capeliña.

Plataforma composta por dúas ringleiras de chanzos, aínda que no ano 1970 retiráronselle os tres chanzos…

Cruceiro de granito situado nun cruce de camiños rurais, baixo a estrada principal, da tipoloxía de capeliña.

Plataforma enterrada, o varal ten sección cadrada coas arestas rematadas en chafrán. Na súa parte inferior hai gravadas varias cruces e tamén un cáliz. A capela nace sobre unha base troncopiramidal na que aparece o relevo dun anxo con ás nas catro caras. Posúe…

Cruceiro de granito da tipoloxía de capela, situado no extremo sur do núcleo, incrustado nun muro de peche de cachotaría, xunto ao acceso á finca.

Posúe un varal de sección cadrada coas arestas rebaixadas. O capitel ten unha base troncopiramidal invertida cun relevo dun anxo con ás, e teitume a catro augas. No interior da capeliña podemos ver unha imaxe pétrea da Virxe co Neno no colo. O conxunto remata nunha cruz de sección…

Nos terreos do Pazo dos Baltar localizábase esta virxe de granito duns cinco metros de altura, obra do escultor Francisco Asorey, colocada nun espigón sobre o Dique de Baltar na…

O miradoiro do Castro Barbudo atópase a 331 metros de altura sobre o nivel do mar. Este miradoiro está incluído no Catálogo das Paisaxes de Galicia.

A fábrica situárase na enseada de Rianxo, na ribeira dereita da ría de Arousa próxima a desembocadura do río Ulla, nunha zona doadamente accesible desde a beiramar e con fácil comunicación co interior, xa por terra, xa río Ulla arriba até Cesures.

Manuel Goday Roura, comerciante orixinario da vila catalana de Canet de Mar (Barcelona), casaba na derradeira década do século XVIII con Francisca Llauguer, dunha familia de…

Cruz inserida no muro de peche dunha finca situada na rúa do Campo de Arriba. A imaxe é unha Virxe co se fillo no colo, moi semellante á do Cruceiro das Neves de Ourolo.

Cruz situada a escasos 200 metros da Ponte do Souto, ao carón do antigo Camiño Rural.

Virxe colocada na esquina dunha casa en Vilarello, probablemente procedente dalgún cruceiro da aldea.

Miradoiro natural desde a cima do Monte da Perdiz que nos permite contemplar unha panorámica do río Ulla. Este espazo foi restaurado polos veciños de Vilar, xa que anteriormente “estaba a monte, nin sequera se vía o río coas mimosas que había”. Retiraron a vexetación da zona e instalaron máis de cen metros de varanda de madeira e tamén colocaron…

A visión desde o Alto de Bexo posibilita unhas vistas panorámicas dos vales fluviais, o Baixo Ulla, así coma dos montes da contorna.

Na veigas de Bexo, punto desde o que poder observar o Sistema Fluvial Ulla-Deza, incluído na Rede Natura 2000.

A visión desde o Monte Treito posibilita unhas vistas panorámicas do val fluvial do río Ulla e dos montes da contorna.

A 301 metros de altura, a visión desde o Monte Carboeiro posibilita unhas vistas panorámicas do val fluvial do río Ulla e dos montes da contorna.

A 149 metros de altura, a visión desde o Miradoiro de Lestrobe posibilita unhas vistas panorámicas dos vales fluviais, o Baixo Ulla, así coma dos montes da contorna. Este miradoiro está incluído no Catálogo das Paisaxes de Galicia.

A visión desde o Alto da Paxareira posibilita unhas vistas panorámicas dos vales fluviais, O Baixo Ulla, así coma dos montes da contorna.

O Coto Agudo atópase a 116 metros de altura sobre o nivel do mar.

O Monte de Leiro atópase a uns 175 metros de altura sobre o nivel do mar.