Campo de Arriba

Campo de Arriba - Rianxo - Santa Comba de Rianxo

Imaxe: Urbanismo Rianxo

Alameda de principios do século XX, situada a un nivel superior sobre a rúa, delimitada por unha balaustrada de granito con acceso desde unha escalinata de pedra central. No extremo norte sitúase a Capela da Virxe da Guadalupe e no sur a Casa do Concello.

O que en Rianxo se coñece popularmente polo Campo está formado por dúas terrazas: a do Campo de Arriba e a do Campo de Abaixo. O Campo de Arriba non pasaba de ser un lugar ermo, que aproveitaban os mariñeiros para secar ou atar as redes. A Capela da Cruz, onde na actualidade se venera á Virxe de Guadalupe, marcaba a fronteira entre a vila, propiamente dita, e o barrio de Rinlo.

Entre 1900 e 1901 fíxose a primeira plantación e, pouco a pouco, foi cambiando a fisionomía do Campo, adornado tamén cunha artística fonte de pedra que botaba auga por catro canos. O conxunto arbóreo que viste ao longo os laterais do Campo de Arriba está formado por exemplares de plátanos de sombra (Platanus x hispanica), que actualmente contan con máis de cen anos. Estas árbores actúan como un elemento bioclimático que dá sombra ao camiñante, baixa a temperatura e crea un microclima.

  • INFORMACIÓN
  • Código: Campo de Arriba
  • Outras denominacións:
  • Tipoloxía: Arquitectura civil
  • Cronoloxía: Século XX
  • Concello: Rianxo
  • Parroquia: Santa Comba de Rianxo
  • Lugar: Campo de Arriba
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (B-066)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

    Roteiro Castelao

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Casa da Capela

Cine El Centro

Confraría de Pescadores

Cine Avenida