Busca

Cruceiro de granito situado ao leste de Fonte Susán, da tipoloxía de crucifixo.

Plataforma composta por tres chanzos e base cadrada coas arestas ahafranadas sobre o que se ergue un fuste octogonal, cunha imaxe nun lateral. Capitel troncopiramidal inverso decorado con motivos vexetais e cruz superior de sección cadrada con remates nos extremos e a imaxe dunha Virxe.…

Cruceiro de granito situado nunha finca privada xunto ao centro médico de Fachán, da tipoloxía de crucifixo.

Plataforma de dous chanzos e base prismática sobre a que se ergue un fuste octogonal. Capitel cúbico con baixorelevos nas caras e remates superior e inferior, que sostén unha cruz de sección cadrada coa imaxe dun Cristo no anverso e unha Virxe no reverso.…

Cruceiro de granito situado no cruce de acceso a Cartomil desde a estrada principal, da tipoloxía de crucifixo. Está situado no interior dunha propiedade privada.

Base moldurada. O seu varal, cadrado no inicio e cilíndrico no resto, dá paso a un capitel decorado con volutas e rostros de anxos. O conxunto remata nunha cruz florenzada na que aparece a imaxe de Cristo…

Cruceiro de granito situado á beira da estrada principal de Pastoriza, da tipoloxía de capeliña.

Plataforma feita con perpiaños graníticos. A continuación un chanzo de sección cadrada. O groso varal, de sección cadrada coas arestas rebaixadas, posúe unha inscrición moi erosionada na que aínda se pode ler o ano da súa feitura: “1636”. Onde acaban os rebaixes superiores…

Cruceiro da tipoloxía de capeliña ou loreto no lugar da Laxe Pequena.

O conxunto érguese sobre unha laxe de pedra parcialmente asfaltada en época recente. Consta dunha plataforma de tres chanzos sobre a que apoia un varal dunha soa peza de arestas rebaixadas, decorado con catro cunchas nos remates superiores dos chafráns. Capeliña con base tronco piramidal inversa e…

Cruceiro de granito no interior dunha finca, situada na marxe leste da estrada de Taragoña, entre Cartomil e Ourolo.

Da tipoloxía de crucifixo, ten unha plataforma de planta cadrada composta por dous chanzos e base prismática sobre a que se ergue un fuste de sección circular. Capitel con decoración vexetal, volutas nos extremos e rostros de anxos alados, que sostén unha…

Cruceiro de granito situado na praza de Campo de Pazos, da tipoloxía de imaxe.

Plataforma tres chanzos de sección cadrada. A súa base moldurada posúe unha inscrición que di: ”A DEVOCION DE MANUEL LMEDA Y MANUEL COSTAS TRILLO”. O varal, de sección cadrada coas arestas rebaixadas, dá paso a un capitel decorado con volutas, follas de acanto, querubíns. O conxunto remata…

Por desexo de Teresa R. Castelao, o busto en bronce do seu irmán, promovido polos emigrados do Uruguai e doado á vila de Rianxo polo Padroado da Cultura Galega de Montevideo, erixiuse nun dos xardíns do Paseo da Ribeira o 27 setembro de 1975. A idea é que puidese verse desde a fiestra da …

Cruceiro de granito situado nun cruce sobre o camiño principal que baixa á Capela de San Xoán Bautista de Vista Real, da tipoloxía de capeliña.

Plataforma composta por dúas ringleiras de chanzos, aínda que no ano 1970 retiráronselle os tres chanzos…

Cruceiro de granito situado nun cruce de camiños rurais, baixo a estrada principal, da tipoloxía de capeliña.

Plataforma enterrada, o varal ten sección cadrada coas arestas rematadas en chafrán. Na súa parte inferior hai gravadas varias cruces e tamén un cáliz. A capela nace sobre unha base troncopiramidal na que aparece o relevo dun anxo con ás nas catro caras. Posúe…

Desde o final do espigón portuario hai unha fermosa panorámica da fachada marítima de Rianxo e da Serra do Barbanza, así como das diferentes embarcacións que compoñen a flota rianxeira: bateeiros (barcos utilizados no cultivo do mexillón), pequenos barcos do cerco e botes de pesca artesanal e marisqueo, así como un pequeno grupo de barcos e botes tradicionais, entre os que destacan a xeiteira, a lancha de relinga aparellada como balandro…

A rampla da Rabaleira, localizada na Ribeira, é o segundo peirao máis antigo do concello, despois do de Setefogas.

Cruceiro de granito da tipoloxía de capela, situado no extremo sur do núcleo, incrustado nun muro de peche de cachotaría, xunto ao acceso á finca.

Posúe un varal de sección cadrada coas arestas rebaixadas. O capitel ten unha base troncopiramidal invertida cun relevo dun anxo con ás, e teitume a catro augas. No interior da capeliña podemos ver unha imaxe pétrea da Virxe co Neno no colo. O conxunto remata nunha cruz de sección…

Nos terreos do Pazo dos Baltar localizábase esta virxe de granito duns cinco metros de altura, obra do escultor Francisco Asorey, colocada nun espigón sobre o Dique de Baltar na…

Ángel Baltar construíu na Praia de Tanxil un porto de abrigo, feito integramente en pedra e situado nunha cova natura ao pé da praia. Construído para o uso particular do propietario do Pazo dos Baltar, mais tamén para o beneficio da clase mariñeira, posto…

É o peirao máis antigo do concello, data de mediados do século XIX, aínda que a traza actual é de comezos do XX. Foi en 1903 cando se lle adxudicaron as obras da súa reparación e ampliación a Ramón Fernández García, de Cespón, pai do que será un grande amigo de Castelao, compañeiro na Facultade de Medicina e na tuna de Santiago: Ramón Fernández Mato. Foi el o encargado de presentar a Castelao e a Eduardo Dieste, en 1911, nunhas…

Pombal no interior dunha finca situada na aldea Abuín, de planta circular.

Reloxo de sol no lugar do Castriño, no cumio do tellado dunha vivenda.

Reloxo de sol na fachada dunha vivenda no lugar de Té.

Reloxo de sol localizado nun hórreo do lugar de Té.

Reloxo de sol localizado nun hórreo do lugar da Mámoa.

Cruz inserida no muro de peche dunha finca situada na rúa do Campo de Arriba. A imaxe é unha Virxe co se fillo no colo, moi semellante á do Cruceiro das Neves de Ourolo.

O Arco da Menora era un soportal dunha casa da rúa de Abaixo, emprazado ao carón da Casa do Tarabelo, e que foi derrubado para ampliar a calzada. Xosé Camoxo Rodríguez …

Cruz sen imaxes situada ao lado doutra cruz, sobre o muro do adro da Igrexa de Santa María de Asados, e que posiblemente formaban parte dun antigo vía crucis. Está resolta nunha soa peza de granito, de sección cadrada con arestas chafranadas e remates con molduras nos vértices.