Busca

Ponte que se atopa no camiño que vai para o Porto de Leiro, xa na desembocadura do chamado río do Mar ou rego de Rial, xunto ao Muíño de Lodeiros. Estrutura alintelada de tres vans, realizada con pezas de cantaría e piso de rasante horizontal de lousas de granito. Pretil composto por tres pezas…

Pombal no interior da finca da Casa do Laxido, sobre o cruce do camiños de acceso ao núcleo. Planta circular e muros de fábrica de cachotaría de pedra con cuberta a unha auga enfuscada sobre a estrutura principal e cornixa de borde de lousas de granito. Porta alintelada de acceso e asoleirado perimetral superior, baixo os ocos de acceso das pombas.

Palco de música situado no espazo verde detrás da Ermida de Santa Lucía. Plataforma de planta octogonal de perpiaños de granito con semipilastras nas esquinas e molduras nos lados.

Pombal situado nunha finca particular na marxe leste do rego do Batán, ao sur do Pazo dos Calote. Planta circular e muros de fábrica de cachotaría de pedra con cuberta a unha auga de tella sobre estrutura de madeira. Porta alintelada de acceso e asoleirado perimetral superior baixo os ocos de acceso das pombas.

A Ponte da Ermida ou a Ponte de Portarreira está situada sobre o río Té, no camiño que vai desde o Cruceiro de San Xoán ao Muíño da Vexa de Abaixo, ao sur do lugar da Ermida. Estrutura de lousas de granito de grandes dimensións apoiadas sobre muros realizados con pezas de…

Pombal situado na finca da Casa Nº 1 de Sestelo que ten un reloxo de sol, á que se accede desde a praza central do lugar de Sestelo. Planta circular de muros de fábrica de cachotaría de pedra enfuscados e pintados, e cuberta cónica de tella sobre estrutura de madeira, con pináculo de remate. Estreito asoleirado perimetral de lousas de granito.

Pombal situado no interior da finca da casa reitoral de Santa María de Asados, detrás da igrexa parroquial. Planta circular e muros de fábrica de cachotaría de pedra con cuberta cónica enfuscada sobre a estrutura principal e tellas sobre a cornixa. Lousa circular de remate con pináculo en forma de bola. Porta alintelada de acceso e asoleirado perimetral…

Pombal situado no interior da finca dunha vivenda no extremo norte do lugar de Isorna. Planta circular e muros de fábrica de cachotaría de pedra, enfuscados e pintados na parte superior, sobre o asoleirado perimetral. Cuberta cónica enfuscada sobre a estrutura principal e tellas sobre a cornixa, rematada cun pináculo. Porta alintelada de acceso nun lateral.

Panorámica desde a estrada que vai de Reboiras a Eiró.

Panorámica do val do Ulla desde os Outeiros de Paredes

Vista do Esteiro do Ulla desde a contorna da Casa da República en Sestelo.

Panorámica do val do Ulla desde o lugar de Castro.

Panorámica do val do río Ulla desde Caldebarcos.

Afloramentos rochosos á beira do camiño que percorrían os defuntos para ser enterrados na parroquia de Santa Baia do Araño antes de que a aldea de Bustelo pertencera á freguesía de San Xoán de Laíño.

Trátase dunha cadeira de pedra, co seu respaldo e unhas marabillosas vistas aos montes da contorna: o Cerqueiro, o monte do Araño, o Treito... A pedra é branca, destacando…

O Monte do Araño atópase a 250 metros de altura sobre o nivel do mar.

O Cotón atópase a 488 metros de altura sobre o nivel do mar.

Miradoiro localizado na Punta Fincheira que ofrece unhas fermosas vistas das praias de Quenxo e Tanxil.

O miradoiro do Castro Barbudo atópase a 331 metros de altura sobre o nivel do mar. Este miradoiro está incluído no Catálogo das Paisaxes de Galicia.

A visión desde o Alto de Bexo posibilita unhas vistas panorámicas dos vales fluviais, o Baixo Ulla, así coma dos montes da contorna.

Na veigas de Bexo, punto desde o que poder observar o Sistema Fluvial Ulla-Deza, incluído na Rede Natura 2000.

A visión desde o Monte Treito posibilita unhas vistas panorámicas do val fluvial do río Ulla e dos montes da contorna.

A 301 metros de altura, a visión desde o Monte Carboeiro posibilita unhas vistas panorámicas do val fluvial do río Ulla e dos montes da contorna.

A 149 metros de altura, a visión desde o Miradoiro de Lestrobe posibilita unhas vistas panorámicas dos vales fluviais, o Baixo Ulla, así coma dos montes da contorna. Este miradoiro está incluído no Catálogo das Paisaxes de Galicia.

A visión desde o Alto da Paxareira posibilita unhas vistas panorámicas dos vales fluviais, O Baixo Ulla, así coma dos montes da contorna.