Hórreo de Rial da Lagoa

Hórreo de Rial da Lagoa - Dodro - San Xián de Laíño

Imaxe: Beatriz Pereiras

Situado nunha finca pechada con valado de pedra, situada na parte dianteira da casa á que pertence, o número 10 do núcleo.

Fermoso exemplar de hórreo mixto con reloxo de sol. A cimentación é unha repisa baixa de perpiaños e cachotes de granito, duns 40 centímetros de altura. Ten catro cepas de pedra, molduradas na parte superior e inferior. Os gabinetes do medio e do sur están pechados con madeiras e con ladrillo, respectivamente, no lateral oeste, e con cemento e mallas metálicas no lateral leste. O tornarratos é unha peza corrida ao longo do corpo do hórreo. Ten tres claros con balaústres de madeira e dúas cintas, aínda que conserva a madeira en mal estado, sobre todo o claro do norte, cunha porta de madeira no lateral leste. Non ten linteis. Columnas e cornixa de pedra, esta última moldurada e separando os penais dos seus respectivos pinches. Penal dianteiro de pedra con porta de madeira, e penal traseiro de pedra con oito fendas de ventilación horizontais. Sobrepenas nos dous pinches, ambos de pedra. A cubrición é de uralita. Remates: cruz alta florenzada con botón central, ángulos en chafrán e motivo floral no centro, sobre escocia; e reloxo de sol circular rematado na parte superior en tres círculos con motivo floral en relevo no centro e, sobre o do medio, de menor tamaño, un remate en dobre rolo vertical. Asenta sobre unha base cuadrangular coas esquinas redondeadas tamén decorada con gravados xeométricos. Conserva as liñas horarias e o gnomon. Orientado ao NW-NW.

De mediados do século XIX. Fíxoo Don Juan Jabino Loureiro, bisavó de Manuel Rodríguez Deza e antigo alcalde de Dodro, entre 1840 e 1860. A viúva di que hai papeis que acreditan a súa antigüidade. Así mesmo comenta que a data está inscrita no propio hórreo, aínda que

  • INFORMACIÓN
  • Código: DO-HO245
  • Outras denominacións:
  • Tipoloxía: Hórreos
  • Cronoloxía: Século XIX
  • Concello: Dodro
  • Parroquia: San Xián de Laíño
  • Lugar: Rial da Lagoa
  • Acceso a pé: Bo
  • Galería de imaxes: Acceder
  • Conservación:

    Mala. A madeira está en bastante mal estado. Non conserva a cubrición, sendo a actual de uralita. Habería que limpar a pedra e o entorno.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 130)

    Reloxos de sol de Galicia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo da Miguensa

Hórreo de Tarrío

Hórreo da Devesa

Hórreo de Bustelo