Hórreo de Bustelo
Imaxe: Beatriz Pereiras
No medio da aldea, case afogado polas casas.
A cimentación é unha repisa baixa de cachotaría de granito. Os soportes son catro cepas de perpiaños. Gabinetes pechados con ladrillo e cemento para uso doméstico. Tornarratos corrido ao longo de todo o corpo do hórreo. Ten tres claros, con balaústres de madeira e dúas cintas. Presenta unha porta de madeira no lateral leste. Linteis de pedra, con dúas fendas de ventilación horizontais cada un. Columnas e cornixa de pedra. Penal dianteiro de pedra con porta de madeira, e penal traseiro de perpiaños de granito, sen ventilación. Sobrepenas nos dous pinches, ambos de pedra. Cubrición de tella do país. Remates: cruz latina alta de sección cuadrangular sobre base troncopiramidal no penal dianteiro; e pináculo piramidal estilizado sobre base cuadrangular no penal traseiro. Orientado ao NE.
Segundo a ficha do Inventario de Patrimonio, dataría de finais do século XIX (1879), por analoxías. A actual familia propietaria carece de documentación.
- INFORMACIÓN
- Código: DO-HO244
- Outras denominacións: Hórreo de Lino
- Tipoloxía: Hórreos
- Cronoloxía: 1879
- Concello: Dodro
- Parroquia: San Xoán de Laíño
- Lugar: Bustelo
- Acceso a pé: Bo
- Galería de imaxes: Acceder
- Conservación:
Mala, coa madeira dos claros e as tellas da cubrición gastadas, e a introdución de cemento e ladrillo nos gabinetes.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 208)
- XEOLOCALIZACIÓN
- Coordenadas: 42.731622707318 , -8.7696287142394
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.