Hórreo da Devesa

Hórreo da Devesa - Dodro - San Xoán de Laíño

Imaxe: Beatriz Pereiras

No lugar da aldea coñecido como Agro do Medio, na zona NW do núcleo.

A cimentación é unha repisa alta de cachotaría de granito, a cal salva o desnivel existente. Os soportes son catro cepas de pedra. Tornarratos corrido ao longo de todo o corpo do hórreo. Ten tres claros, con balaústres de madeira e dúas cintas, con unha porta de madeira no lateral oeste, enmarcada por dúas columnas de pedra. Linteis, columnas e cornixa de pedra. O penal do norte é de pedra (columnas) e madeira (o peche), con dúas cintas; e o penal do sur é de pedra se ventilación. Sobrepenas nos dous pinches, ambos de pedra. Cubrición de tella plana. Remates: fermosa cruz latina alta florenzada con botón central e ángulos en chafrán, sobre base en escocia; e pináculo piramidal sobre base cuadrangular. Orientado ao NE-SW.

Segundo a ficha do Inventario de Patrimonio, é de 1931, data que parece se ve no frontispicio. Sen embargo, segundo a propietaria, este hórreo tería máis de cen anos, xa que a súa nai, que morreu hai bastantes anos con 104, xa non lle acordaba de facelo.

  • INFORMACIÓN
  • Código: DO-HO212
  • Outras denominacións: Hórreo de Baleirón
  • Tipoloxía: Hórreos
  • Cronoloxía: 1931
  • Concello: Dodro
  • Parroquia: San Xoán de Laíño
  • Lugar: A Devesa
  • Acceso a pé: Bo
  • Galería de imaxes: Acceder
  • Conservación:

    Boa, aínda que sería preciso limpar a pedra e cambiar algunha madeira. O ciclón Hortensia tirou a cruz, que foi de novo colocada.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 181)

    Sendeiros de Dodro

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Castro

Eira das Cabanas (6 hórreos)

Hórreo de Traxeito

Hórreo de Vigo