Hórreo de Bustelo

Hórreo de Bustelo - Dodro - San Xoán de Laíño

Imaxe: Beatriz Pereiras

Situado nunha pequena eira ou curral doméstico, onde tamén se atopa o Cruceiro de Alfredo, no ángulo SW da aldea.

A cimentación é unha repisa baixa de cachotaría de granito. Os soportes son catro cepas de perpiaños. Os gabinetes están pechados con ladrillo e con portas de madeira para usos domésticos. Tornarratos corrido ao longo de todo o corpo do hórreo. Ten tres claros, con balaústres de madeira e dúas cintas. Ten unha porta de madeira no lateral leste. Linteis, columnas e cornixa de pedra. Penal dianteiro de pedra co van da porta pechado con balaústres de madeira e dúas cintas; e penal traseiro. Remates: cruz funeral (cruz céltica) rota sobre base cuadrangular na parte dianteira; e pináculo piramidal estilizado rematado en bóla ovoide sobre base cuadrangular na parte traseira. Orientado ao NE.

Segundo a ficha do Inventario de Patrimonio, data aproximada do 1880, por analoxía con outros exemplares da aldea.

  • INFORMACIÓN
  • Código: DO-HO023
  • Outras denominacións: Hórreo de Alfredo e Elvira
  • Tipoloxía: Hórreos
  • Cronoloxía: 1880
  • Concello: Dodro
  • Parroquia: San Xoán de Laíño
  • Lugar: Bustelo
  • Acceso a pé: Bo
  • Galería de imaxes: Acceder
  • Conservación:

    Mala, coa madeira dos claros e a tella de cubrición en mal estado, e a introdución de ladrillos nos gabinetes. 

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 205)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Bexo

Hórreo de Imo

Hórreo de Reboiras

Hórreo de Bustelo