Cruceiro da Igrexa de San Xián de Laíño

Cruceiro da Igrexa de San Xián de Laíño - Dodro - San Xián de Laíño

Imaxe: Cruceiros de Galicia

Cruceiro construído en granito do tipo de crucifixo, situado no campo da festa, ao carón da Igrexa de San Xián de Laíño. Único exemplar de Dodro dotado de pousadoiro ou mesa para os mortos. Unicamente o cruceiro que se levanta no actual cemiterio parroquial de San Xián de Laíño ten tamén mesa, aínda que a factura deste conxunto é moi recente. A mesa do cruceiro disponse diante do seu anverso e componse de tres bloques graníticos (unha tampa e dúas peañas).

Mide 2,67 metros na base, 0,07 o fuste e unha altura total de 5. O baseamento é sobre catro gradas cuadrangulares, a primeira enterrada. O pedestal é cuadrangular, remata con chafráns, con recadros inscritos en cada unha das caras. O varal é de sección cadrada en inicio, con paramentos recadrados e octogonal no resto. O capitel é cilíndrico, con astrágalo circular liso, ábaco con lados curvos e vértices chafranados, con volutas,   flores, tres imaxes e cáliz. A cruz é de sección cuadrangular con brazos con chafráns e remates florenzados con botón central. No anverso da cruz ten un Cristo crucificado con tres cravos, inclinando a cabeza cara a dereita, coas mans abertas, con coroa de espiñas, pano de pureza anoado á esquerda, INRI (pergamiño), San Francisco abrazándoo e o Cristo mirando ao Santo. No reverso da cruz hai unha Virxe co neno sobre peaña con anxos corándoa.

Ten máis de 100 anos. A cruz orixinal está na casa reitoral de San Xián de Laíño e, en tempos, este conxunto estivo no Camiño da Banda, en Tarrío. O seu uso é devocionario (ofrendas) e actividades relixiosas, sendo parada na procesión do Santísimo.

  • INFORMACIÓN
  • Código: DO-ER011
  • Outras denominacións:
  • Tipoloxía: Elementos relixiosos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: A Igrexa
  • Acceso a pé: Bo
  • Galería de imaxes: Acceder
  • Conservación:

    Boa, aínda que o varal e a cruz foron refeitos tras varios accidentes no 2002, no que unha pa escavadora lle partiu o fuste, e no 2004, no que un camión lle tirou a cruz.

  • Protección:

    Plan Xeral de Ordenación Municipal do Concello de Dodro (CR-11)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Traballo de inventariado feito por Beatríz Pereiras en 2010

    Sendeiros de Dodro

    Cruceiros de Galicia

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Cruceiro das Escuras

Cruceiro de Tarrío

Cruz da Chan da Viña

Cruceiro do Naval