Cruceiro de Manselle de Arriba

Cruceiro de Manselle de Arriba - Dodro - San Xián de Laíño

Imaxe: Cruceiros de Galicia

Nunha pequena praza onde se cruzan cinco camiños, baixo unha parra, no lugar de Manselle coñecido como O Souto, no centro da aldea.

Cruceiro do tipo de crucifixo, construído en granito, ao carón da Casa de Camoiras. O baseamento é sobre 5 gradas cuadrangulares. O pedestal é unha basa cúbica rematada con chafráns. O varal é un fuste de sección cadrada en inicio e octogonal no resto. O capitel é cilíndrico con astrágalo circular e liso, ábaco con lados curvos e vértices chafranados, con follas nas esquinas e o que parecen cabezas de anxo (moi gastadas). A cruz é florenzada con botón central e ángulos en chafrán. No anverso da cruz ten un Cristo crucificado, con tres cravos, cabeza inclinada á dereita, coroa de espiñas, pano anoado á esquerda, cun santo suxeitándoo á dereita. pergamiño con INRI. No reverso da cruz hai unha Virxe co neno coroada por dous anxos, sobre peaña de cabeza de anxo.

O cruceiro ten máis de cen anos e facíase parada diante del nos enterros.

  • INFORMACIÓN
  • Código: DO-ER025
  • Outras denominacións: Cruceiro do Souto de Manselle
  • Tipoloxía: Elementos relixiosos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Manselle
  • Acceso a pé: Bo
  • Galería de imaxes: Acceder
  • Conservación:

    Boa. Parece que un ciclón tirou, nos anos trinta, a cruz de pedra. Hai anos refíxose a cruz.     

  • Protección:

    Plan Xeral de Ordenación Municipal do Concello de Dodro (CR-25)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Traballo de inventariado feito por Beatríz Pereiras en 2010

    Sendeiros de Dodro

    Cruceiros de Galicia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Cruceiro de Revixós

Calvario de San Xián

Cruceiro da Brañiña

Cruceiro de Dodriño