Busca

Hórreo situado sobre o muro de peche dunha parcela con fronte á rúa Roxelio Pérez, preto do cruce da rúa Fincheira.

Plataforma de muros de cachotaría e cámara rectangular de cantaría de granito con tornarratos perimetral e cornixa superior moldurada. Cuberta a dúas augas de tella e sobrepenas de granito, coroadas por lampións no vértice e pináculos de diferentes formas…

Pombal no interior dunha finca en pendente, situada ao norte de Fonte Susán. Planta circular de muros de cachotaría de pedra enfuscados e cuberta a unha auga de tella sobre estrutura de madeira que se prolonga na parte traseira. Cornixa de grandes lousas de granito.

Pombal no interior dunha finca situada no Cruceiro. Planta circular e muros de fábrica de cachotaría de pedra enfuscados, con cuberta a unha auga de pendente pronunciada e pequeno asoleirado perimetral.

O Monte do Araño atópase a 250 metros de altura sobre o nivel do mar.

O Cotón atópase a 488 metros de altura sobre o nivel do mar.

Cheminea construída en ladrillo, cunha altura duns 15 metros aproximadamente, de forma cónica. Localizada na Praia da Torre, pertencía a un antigo serradoiro, posteriormente reconvertido a fábrica de flotadores de batea.

Hórreo nun extremo do patio traseiro da Casa do Coxo, actualmente Museo do Mar, situada ao lado do Cuartel Vello, fronte á Capela da Virxe da Guadalupe…

Hórreo de grandes dimensións situado nunha finca ao sur da Burata.

Está apoiado sobre seis pares de pés de granito de sección cadrada con tornarratos superiores. Cámara rectangular con trabes e piares de granito e entrepanos de madeira, substituídos parcialmente por ladrillo perforado. Penais e sobrepenas de cantaría, e cuberta a dúas augas de fibrocemento sobre…

Hórreo no lugar de Ourolo.

Hórreo no lugar de Corques.

Hórreo no lugar do Pazo, xunto á Cruz do Pazo.

Hórreo no Castiñeiro, xunto á praia do mesmo nome.

Pombal no interior dunha finca en pendente, situada ao norte do Monte da Dorna. Planta circular de muros de cachotaría de pedra e cuberta a unha auga de tella sobre estrutura de madeira que se prolonga sobre os ocos de acceso das pombas. Cornixa e asoleirado perimetral de lousas de granito.

Pombal no interior dunha finca situada na aldea do Monte de Dorna. Planta circular e muros de fábrica de cachotaría de pedra, con cuberta a unha auga de pendente pronunciada e pequeno asoleirado perimetral.

Pombal no interior dunha finca situada na aldea da Laxe. Planta circular e muros de fábrica de cachotaría de pedra enfuscados, con cuberta a unha auga de pendente pronunciada e pequeno asoleirado perimetral.

Pombal situado nunha finca particular nun extremo de Chorente. Planta circular e muros de fábrica de cachotaría de pedra e cuberta a unha auga de tella sobre estrutura de madeira. Asoleirado perimetral na parte central, baixo os ocos de acceso das pombas.

Pequeno porto pesqueiro situado na parroquia de Taragoña. Ten un longo peirao (130 metros) e a Praia do Porto ao seu carón.

Por desexo de Teresa R. Castelao, o busto en bronce do seu irmán, promovido polos emigrados do Uruguai e doado á vila de Rianxo polo Padroado da Cultura Galega de Montevideo, erixiuse nun dos xardíns do Paseo da Ribeira o 27 setembro de 1975. A idea é que puidese verse desde a fiestra da …

Miradoiro localizado na Punta Fincheira que ofrece unhas fermosas vistas das praias de Quenxo e Tanxil.

Desde o final do espigón portuario hai unha fermosa panorámica da fachada marítima de Rianxo e da Serra do Barbanza, así como das diferentes embarcacións que compoñen a flota rianxeira: bateeiros (barcos utilizados no cultivo do mexillón), pequenos barcos do cerco e botes de pesca artesanal e marisqueo, así como un pequeno grupo de barcos e botes tradicionais, entre os que destacan a xeiteira, a lancha de relinga aparellada como balandro…

A rampla da Rabaleira, localizada na Ribeira, é o segundo peirao máis antigo do concello, despois do de Setefogas.

No 1919, era alcalde de Rianxo Manuel Pérez (baixo as ordes do cacique Manuel Viturro, secretario da Comisión Provincial). Ese ano, o pai de Castelao, Mariano Rodríguez, construíu, sen solicitar autorización municipal, a graneira que aínda se conserva neste lugar, na Fincheira.

Viturro, liberal e inimigo acérrimo do pai de Castelao (de tendencia conservadora e que fora…

O miradoiro do Castro Barbudo atópase a 331 metros de altura sobre o nivel do mar. Este miradoiro está incluído no Catálogo das Paisaxes de Galicia.

A fábrica situárase na enseada de Rianxo, na ribeira dereita da ría de Arousa próxima a desembocadura do río Ulla, nunha zona doadamente accesible desde a beiramar e con fácil comunicación co interior, xa por terra, xa río Ulla arriba até Cesures.

Manuel Goday Roura, comerciante orixinario da vila catalana de Canet de Mar (Barcelona), casaba na derradeira década do século XVIII con Francisca Llauguer, dunha familia de…