Busca

O punto máis alto e setentrional de Rianxo, a 678 metros de altura, está inmerso nun parque eólico. Pódese acceder desde O Araño ou desde Burés. Hai pista asfaltada até a coñecida coma A Pedra dos Concellos, punto onde se dividen os concellos de Rianxo, Lousame, Rois e Dodro. Desde alí pódese ascender polas novas pistas de terra do parque eólico.

A vista sobre a desembocadura do Ulla e a Ría de Arousa e Vigo, está marcada como un fito de excursionista e…

O Monte Beiro, a 145 metros de altura sobre o nivel do mar, conta con vistas panorámicas sobre Valga e concellos lindeiros. A súa orientación noroeste posibilita a seguinte panorámica: parte do val do río Ulla, Monte de Valga, Castro Valente, Serra do Barbanza, Montes de Oleirón,…

A Chan do Cesteiro, que se atopa a uns 250 metros de altura sobre o nivel do mar, ten unha orientación noroeste que lle permite dispor dunha panorámica completa dos vales dos ríos Valga e Louro, alcanzando incluso a visión do río Ulla.

O Monte dos Salgueiros atópase a uns 221 metros de altura sobre o nivel do mar. Sobre a caseta forestal aquí emprazada, permítenos dispor dunha panorámica completa dos vales dos ríos Valga, Louro, e Ulla, alcanzando unha visión ampla da ría de Arousa.

O Monte Fontebecha, a 369 metros de altura sobre o nivel do mar, conta con vistas panorámicas sobre Valga e concellos lindeiros. A súa orientación posibilita a visión de parte do val do río Ulla, Monte de Valga, Castro Valente, Serra do Barbanza, Montes de Oleirón, Monte Meda, Monte Xesteiras e os vales dos ríos Louro e Valga.

Este miradoiro está incluído no Catálogo das Paisaxes de Galicia.

A visión dende a Chan do Monte de Valga posibilita unhas vistas panorámicas dos vales dos ríos Valga, Louro, e Ulla, así coma dos montes da contorna.

Punto dende o que poder observar o Sistema fluvial Ulla-Deza, incluído na Rede Natura 2000. Destaca a presenza das brañas, tanto na beira de Valga como na de Dodro.

Punto desde o que poder observar o Sistema fluvial Ulla-Deza, incluído na Rede Natura 2000. Destaca a presenza das brañas, tanto na beira de Valga como na de Dodro. O topónimo A Telleira fai referencia á Telleira de Vilarello, hoxe desaparecida, que se emprazaba neste lugar.

Un afloramento rochoso no Monte dos Penoucos, que se atopa a uns 250 metros de altura sobre o nivel do mar, permite unha panorámica completa dos vales dos ríos Valga, Louro e Ulla.

Polo seu emprazamento fisiográfico, o Monte do Castro Valente domina visualmente unha ampla panorámica, tanto do curso do río Ulla, como a confluencia co río Sar e o val deste.

Pombal de planta circular no lugar das Rañas.

Pontella levantada sobre o río San Cibrán que presenta unha estrutura construída en perpiaño granítico de óptima calidade, presente nos eixos estruturais da ponte, así como na súa cepa central e enlousado, conformado a base de grandes bloques de pedra. A ponte carece de peitoril de seguridade. Destaca a perfecta labra e trabazón da cantaría que conforma a dobre canle rectangular que canaliza o río, así como o seu firme. Quizais pola súa estreiteza, conta con anteparos nos…

Pontella que permitía o tránsito de vehículos de tracción animal levantada sobre o río Freixeiro que presenta unha estrutura construída en perpiaño granítico de óptima calidade, presente nos eixos estruturais da ponte e no enlousado, conformado a base de grandes bloques de pedra. A pontella carece de peitoril.

Pombal de planta circular que forma parte do conxunto de edificacións da Casa de Maquieira.

Palco de música localizado na campo da festa de Santa Baia de Oeste.

Esta ponte levantouse sobre o río Freixeiro, límite parroquial natural, para permitir o seu franqueo a través do Camiño Real ao seu paso polas parroquias de Abalo e Catoira. A súa estrutura foi construída en perpiaño granítico de óptima calidade, presente nos eixos estruturais da ponte, así como na súa cepa central e enlousado. Nos lenzos murais de recheo botouse man de cachotaría concertada de escasa calidade, sen recebar nin encintar. Destaca a perfecta labra e trabazón…

Pontella peonil levantada sobre o río Catoira que presenta unha estrutura construída en perpiaño granítico de óptima calidade, presente nos eixos estruturais da ponte, así como na súa cepa central e enlousado, conformado a base de grandes bloques de pedra. A ponte carece de peitoril de seguridade, se ben uns esteos de granito que arrincan das cepas puideron servir de apoio a algún sistema de varanda ou amarradoiro que mellorase o tránsito peonil. Destaca a perfecta labra…

Pombal de planta circular, que forma parte do conxunto de edificacións do Pazo da Baiuca.

Pombal de planta circular, que forma parte do conxunto de edificacións da Casa Grande de Gondar.

Pombal de planta circular, que forma parte do conxunto de edificacións do Pazo da Baiuca.

Pombal de planta circular, que forma parte do conxunto de edificacións da Casa da Barreira.

Palco octogonal situado na alameda e ao carón da Casa do Concello, con teito de madeira e escaleiras de pedra. Anteriormente a este existía neste lugar un palco construído en ladrillo que foi derrubado tras as reformas realizadas na alameda nos anos 60-70 do século pasado.

Ponte de cronoloxía medieval situada no antigo Camiño Real de Vilagarcía a Santiago de Compostela, sobre o río Catoira. Posúe dous arcos de medio punto rebaixados, cunhas luces que van dos 2,78 aos 3,77 metros. Trátase dunha ponte con bóvedas de sillería de granito apoiados na rocha do leito, con algunhas marcas de canteiro. O resto está feito con perpiaño e cachotaría, agás a…

Pombal de planta circular, situado no lugar de Tarrío.