Busca

Parte saínte da costa, composta por rochas graníticas, que penetra no río Ulla. Trátase dun espazo natural rodeado de vexetación (loureiros, eucaliptos, silveiras, fentos...) no cal existe un sendeiro que nos leva até a punta e a un pequeno areal, no cal aínda se poden apreciar restos arqueolóxicos do xacemento romano…

No Monte Xiabre, a uns 408 metros sobre o nivel do mar, existe un miradoiro que se caracteriza por estar localizado nunha zona rochosa, na cal se ergue unha cruz de pequenas proporcións de ferro. En setembro do presente ano 2022 o Concello de Vilagarcía acondicionou este espazo agregándolle unha pasarela de metal e…

O Monte Beiro, a 145 metros de altura sobre o nivel do mar, conta con vistas panorámicas sobre Valga e concellos lindeiros. A súa orientación noroeste posibilita a seguinte panorámica: parte do val do río Ulla, Monte de Valga, Castro Valente, Serra do Barbanza, Montes de Oleirón,…

A Chan do Cesteiro, que se atopa a uns 250 metros de altura sobre o nivel do mar, ten unha orientación noroeste que lle permite dispor dunha panorámica completa dos vales dos ríos Valga e Louro, alcanzando incluso a visión do río Ulla.

O Monte dos Salgueiros atópase a uns 221 metros de altura sobre o nivel do mar. Sobre a caseta forestal aquí emprazada, permítenos dispor dunha panorámica completa dos vales dos ríos Valga, Louro, e Ulla, alcanzando unha visión ampla da ría de Arousa.

O Monte Fontebecha, a 369 metros de altura sobre o nivel do mar, conta con vistas panorámicas sobre Valga e concellos lindeiros. A súa orientación posibilita a visión de parte do val do río Ulla, Monte de Valga, Castro Valente, Serra do Barbanza, Montes de Oleirón, Monte Meda, Monte Xesteiras e os vales dos ríos Louro e Valga.

Este miradoiro está incluído no Catálogo das Paisaxes de Galicia.

A visión dende a Chan do Monte de Valga posibilita unhas vistas panorámicas dos vales dos ríos Valga, Louro, e Ulla, así coma dos montes da contorna.

Punto dende o que poder observar o Sistema fluvial Ulla-Deza, incluído na Rede Natura 2000. Destaca a presenza das brañas, tanto na beira de Valga como na de Dodro.

Punto desde o que poder observar o Sistema fluvial Ulla-Deza, incluído na Rede Natura 2000. Destaca a presenza das brañas, tanto na beira de Valga como na de Dodro. O topónimo A Telleira fai referencia á Telleira de Vilarello, hoxe desaparecida, que se emprazaba neste lugar.

Un afloramento rochoso no Monte dos Penoucos, que se atopa a uns 250 metros de altura sobre o nivel do mar, permite unha panorámica completa dos vales dos ríos Valga, Louro e Ulla.

O río Valga, ao que xa se incorporou o caudal do rego do Ferreño, forma un estreito val encaixado en penedos graníticos. Neste punto fórmase un salto de auga situado entre Parafita e Raxoi, cunha altura de caída da auga duns 10 metros.

No punto onde o rego do Ferreño se une co río Valga, fórmase este salto de auga situado entre Parafita e Raxoi, cunha altura de caída da auga duns 6 metros.

O río Valga, a canle procedente do Muíño de Carlés e a que fornece ao Muíño de Casadamil, forman unha illa fluvial, na que o bosque de ribeira ponse de manifesto coa presenza de freixos, ameneiros, bidueiros ou salgueiros.…

O Sistema Fluvial Ulla-Deza (Rede Natura 2000) está formado polo río Ulla e as áreas húmidas lindeiras: as Brañas de Laíño e as Veigas de Campaña e Cordeiro. Presenta unha grande variedade de comunidades vexetais adaptadas ao distintos graos de salinidade, como son carrizos,…

Hórreo de anchura con paneis en pedra de cantería. Destaca no pincho os accesos do pombal que se intúe debaixo da cuberta do hórreo. O cerramento da cámara é de madeira cun parteluces en fábrica de pedra o medio da cámara. A soleira é de pedra con tornarratos continuos no perímetro, rematados con sopena. O hórreo atópase asentado sobre muro de cantería pechado, aproveitándose para o seu uso a parte inferior, con entradas para as pombas. A cuberta é de dúas augas con tella…

Hórreo de cámara con penais en pedra de cantería. O cerramento da cámara é de madeira con parteluces en fábrica de pedra. O acceso ao hórreo realízase polo lateral da cámara. A soleira é de pedra con tornarratos continuos no perímetro, rematados con sopena enriba de cepas en pedra de cantería. A cuberta é de dúas augas con tella curva, ben protexida polas sobrepenas dos penais quen rematan con motivos relixiosos.

Hórreo de cámara cos penais en pedra de cantería, sen elementos de ventilación, o que lle confire un aspecto robusto. Ten soleira con tornarratos con sopena e as cepas tamén en pedra de cantería. A cámara está recuberta de madeira con parteluces de pedra en tres treitos. A cuberta é de tella plana, ben rematada polas sobrepenas dos penais e con motivos relixiosos.

Hórreo de anchura executado en fábrica de ladrillo con esquinais e traveseiros en pezas de cantería. Asentado sobre soleira a modo de muro de pedra con tornarratos continuos no perímetro, rematados con sopena. O acceso faise dende o penal. A cuberta é de dúas augas con tella plana, ben protexida polas sobrepenas dos penais que o rematan.

Hórreo de anchura con penais de cantería. O cerramento da cámara é de madeira con parteluces en fábrica de pedra, asentado sobre soleira tamén en pedra con tornarratos continuo no perímetro, rematados con sopena. O hórreo encóntrase asentado sobre muro de cantería. A cuberta é de dúas augas con placas de fibrocemento, protexidas polas sobrepenas dos penais.

Hórreo de cámara en fábrica de pedra.

Hórreo de cámara cos penais en pedra de cantería e elementos típicos de ventilación. O cerramento da cámara é de madeira con parteluces pétreos. A soleira tamén de pedra conta con tornarratos ao redor de todo o perímetro do hórreo e penal rematado con sopena. A cuberta é a dúas augas con tella curva.

Hórreo de cámara cos penais en pedra de cantería e elementos típicos de ventilación. O cerramento da cámara é de madeira con parteluces pétreos. A soleira tamén é de pedra sobre columnas ou pés con tornarratos circulares e penal rematado con sopena. A cuberta é a dúas augas con tella curva.

Hórreo de cámara pechado con táboa de madeira vertical e parteluces na cámara. Apoiado sobre cepas baixo mesas e penal rematado con sopena. Non presenta soleira. O acceso ao hórreo faise dende o penal, que está formado por pezas de cantería. A cuberta é de dúas augas con tella curva, ben protexida polas sobrepenas dos penais que rematan con motivos relixiosos.

Hórreo de cámara con penais en pedra de cantería. O cerramento da cámara é de madeira con parteluces en fábrica de pedra o medio da cámara. A soleira é de pedra con tornarratos continuos no perímetro, rematados con sopena enriba de cepas en pedra de cantería. A cuberta é de dúas augas con tella curva, ben protexida polas sobrepenas dos penais que rematan con motivos relixiosos.