Busca

Situado na ribeira do río Valga, xunto ao Lavadoiro da Torre. Trátase dun muíño de planta rectangular construído en cachotería granítica, coas xuntas unidas con cemento. Presenta tellado a dúas augas, coa cuberta en tella do país.

Tamén se lle coñece coa denominación de Fonte Serantes, a pía está formada por material cerámico revestido con morteiro de cemento, semisoterrada con respecto ao nivel do solo. Piares de suxeición e cuberta en formigón, acabada en tella do país.

Miradoiro natural desde a cima do Monte da Perdiz que nos permite contemplar unha panorámica do río Ulla. Este espazo foi restaurado polos veciños de Vilar, xa que anteriormente “estaba a monte, nin sequera se vía o río coas mimosas que había”. Retiraron a vexetación da zona e instalaron máis de cen metros de varanda de madeira e tamén colocaron…

Reloxo de sol localizado nun muro lateral da Igrexa de Santa Comba de Louro.

Fonte acaroada a un muro de pedra no lugar de Magariños.

Situado no campo da festa, acaroado á antiga Escola de Setecoros, actual centro sociocultural da parroquia. De base rectangular, todo o palco está construído en ladrillo, enfuscado e pintado coas cores branca e verde. Pola fronte do palco accédese á base inferior, que era utilizada como almacén e local social.…

Situado xunto á Ermida da Virxe da Saúde, é de planta rectangular e orixinalmente estaba construído en ladrillo. No ano 2021, e por demanda veciñal, foi reconvertido en local social, aínda que continúa cumprindo as funcións de escenario.

A visión dende a Chan do Monte de Valga posibilita unhas vistas panorámicas dos vales dos ríos Valga, Louro, e Ulla, así coma dos montes da contorna.

Punto dende o que poder observar o Sistema fluvial Ulla-Deza, incluído na Rede Natura 2000. Destaca a presenza das brañas, tanto na beira de Valga como na de Dodro.

Un afloramento rochoso no Monte dos Penoucos, que se atopa a uns 250 metros de altura sobre o nivel do mar, permite unha panorámica completa dos vales dos ríos Valga, Louro e Ulla.

Baseamento de planta octogonal formado por catro gradas. O pedestal é de planta octogonal con inscrición. Varal monolítico cunha base cúbica de sección cadrada. O desenrolo é oitavado por rebaixe das arestas laterais e remata nun colariño poligonal. O capitel é de feitío pseudocúbico, integrado no fuste da columna. A cruz ten unha base de planta cuadrangular. O corpo é de sección octogonal. No anverso móstrase a…

Cruceiro acaroado á parte posterior da Igrexa de Santa Comba de Louro. Baseamento de planta rectangular dun só chanzo. Pousadoiro. Pedestal cúbico. Varal de sección cuadrangular no arranque e no remate, aínda que con desenrolo oitavado por rebaixe das arestas laterais. O capitel adopta un feitío…

Cruceiro do tipo de crucifixo co baseamento de planta cuadrangular formado por bloques graníticos, de tres gradas. Pedestal ao xeito de nocela apoiada sobre un plinto e rematado no cumio por un bloque de feitío troncopiramidal invertido. Varal monolítico con arranque cúbico e desenrolo cilíndrico. Capitel asentado sobre unha moldura recta e feitío troncopiramidal invertido. A cruz é latina e de feitío cilíndrico.…

Baseamento de planta cuadrangular formado por tres chanzos. Pedestal cúbico, coas arestas superiores chafranadas. Contén restos dunha inscrición. O varal é monolítico, cunha base de sección cuadrangular e corpo oitavado por rebaixe das arestas laterais. O capitel é de feitío troncopiramidal invertido, comezando nun colariño circular de dobre moldura. Cruz latina, de sección octogonal e cartela floral na cabeceira.…

Cruceiro do tipo de desencravo, co baseamento de planta cuadrangular formado por tres chanzos. O pedestal é de feitío cúbico. Varal monolítico de base rectangular e desenrolo posterior oitavado en progresivo estreitamento ascendente. O capitel ten feitío troncoprismático invertido. A cruz é de tipo latino, con sección ortogonal por rebaixe das arestas laterais, aínda que cos lados desiguais. Anverso amosando a…

Baseamento de planta cuadrangular conformado por tres chanzos cons bloques xunguidos con cemento. Pedestal dun só corpo. Varal monolítico de base con sección cuadrangular e desenrolo oitavado. A cruz é de sección circular con nós de feitío latino. No anverso amósase a escena da Crucifixión e o reverso a imaxe da Virxe.

Cruz exenta localizada a escasos metros do Camiño Real. Aséntase sobre pedestal cúbico. É de feitío latino. Presenta nós en todo todo o seu desenrolo para imitar unha aparencia leñosa. Sección cuadrangular na base e corpo oitavado por rebaixe das arestas. Está formado por tres bloques líticos: fuste, brazo menor e cabeceira. Carece de inscricións ou gravuras.…

Cruz pintada localizada sobre un afloramento granítico. Está orientada de fronte ao camiño que seguen as procesións.

Cruz elaborada dunha soa peza, de feitío latino. Sección cuadrangular no arranque e desenrolo oitavado por rebaixe das arestas. Lados desiguais, sendo maiores en anchura os principais e menores os dos cantos.

Cruz sobre pedestal cubicoide. Cruz de tipo latino estruturada en dous módulos. O primeiro a modo de varal e o segundo a modo de brazo menos e cabeceira. Base cuadrangular e desenrolo oitavado polo rebaixe das arestas.

Situado nunha finca rodeado por un muro alto de cachotería de pedra. Pombal de planta circular duns 4 metros de diámetro. Muros de cachotería enfuscados e pintados.

Pombal de planta circular duns 5 metros de diámetro. Muros de cachotería de pedra acabados ao exterior con morteiro de cemento e pintura branca.

Pombal de planta circular duns 7 metros de diámetro, con muros en pedra recebada e pintada con cal. Cuberta acabada con tella curva. Englóbase no conxunto de edificacións que conforman a casa reitoral de San Miguel de Valga.

Pombal de planta circular duns 7 metros de diámetro, que se engloba no conxunto de edificacións que conforman o Pazo de Raxoi.