Cuartel Vello

Cuartel Vello - Rianxo - Santa Comba de Rianxo

Imaxe: Óscar Franco

Edificación do casco histórico de Rianxo, de estilo neoclásico, que data do século XIX, situado fronte ao Campo de Arriba, xunto á Capela da Virxe da Guadalupe e á Casa do Coxo.

Recibe este nome por ter sido durante moitos anos o cuartel da Guardia Civil, aínda que posteriormente converteuse no primeiro instituto de Rianxo. Actualmente o edificio está destinado a equipamento sociocultural multiusos. Segundo di unha placa colocada no exterior da edificación, en xuño de 1873 o Concello de Rianxo aprobou a construción da Casa Escola da I República, sendo alcalde D. Manuel Seco Tarrío.

Volume prismático de planta rectangular realizado con muros de cantaría nas fachadas principais e cachotaría nos laterais, coa cuberta a catro augas de tella. Consta de dous andares divididos por unha imposta perimetral, con fachada principal de composición simétrica de nove vanos. Tres accesos en planta baixa de portas alinteladas de madeira, un central e dous laterais. Fiestras balconeiras no segundo andar, con balcón central baixo un arco de medio punto que interrompe a cornixa.

  • INFORMACIÓN
  • Código: RI-AC052
  • Outras denominacións:
  • Tipoloxía: Arquitectura civil
  • Cronoloxía: Século XIX
  • Concello: Rianxo
  • Parroquia: Santa Comba de Rianxo
  • Lugar: Praza Castelao
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (B-030)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

    Patrimonio Galego

    La Voz de Galicia

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Casa dos Insua

Casa Nº 3 de Sestelo

Cine Iglesias

Casa de Tarabelo