Marco do Couto de Lampai

Marco do Couto de Lampai - Padrón - Santa María de Cruces

Imaxe: Megaliticia

O rei Afonso VII doou un enorme terreo no ano 1156 a un descoñecido plebeo, non nobre, de nome Sancho Eanes. O terreo tiña 22 hectáreas nunha das zonas máis ricas e poboadas do Reino de Galicia, limitado por unha serie de marcos (Marco do Porto Lampai, Marco do Couto de Lampai, Marco dos Coutos e Marco da Pena das Cruces) que conforman unha finca medieval. O Marco do Couto de Lampai, localizado no ano 2002, delimita polo oeste dita finca.

Este marco medieval ten aproximadamente 1,80 metros de altura e 60 centímetros de ancho por cada unha das caras e está localizado nun inestable outeiro artificial que quedou despois da explotación dunha canteira. Ten a inscrición: ”No ano 1156, o primeiro de setembro, colocouse este pedrón coa autoridade do Emperador e de todos os intervenientes”.

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Castelo Redondo

Marco do Porto Lampai

Marco do Couto de Lampai

Xacemento do Pedroso