Ermida de San Pedro de Vilas

Ermida de San Pedro de Vilas - Rianxo - Santa María de Asados

Imaxe: @a.de.castro

A licenza para edificar a ermida foi dada polo Arcebispo Andrés Girón, en novembro de 1670, rematándose en 1671. Trátase dunha ermida de planta rectangular e nave única, realizada en cantaría de granito e cuberta a dúas augas de fibrocemento sobre estrutura de madeira. A capela está situada nun alto ao que se accede mediante unha escalinata de pedra. Con apenas 10 metros de lonxitude, consta de dous corpos para nave e altar comunicados por arco de medio punto moi deformado. Fachada sinxela con porta alintelada entre dous pequenos ocos abocinados. As fachadas curtas están coroadas cunhas cruces de granito. Decoración con motivos xeométricos tanto na porta principal como na cornixa perimetral. No interior, corpo anterior con tribuna e outro posterior que contén o altar divididos por un arco de medio punto e presenta tribuna tamén de madeira. Rodeada de piñeiros, nunha contorna natural na que anualmente se celebra a Romaría do San Pedro de Vilas.

Sobre a porta destacan o escudo dos Torrado, unha cartela e por baixo desta, unha venera cruzada por un xis. Outros elementos destacados da fachada son un par de cabezas de pedra e que están a ambos lados da porta principal. No muro norte, facendo parte da cornixa, hai outra cabeza, mellor conservada e até quizais mellor tallada en orixe. No blogue Ilha de Orjais, faise unha detallada descrición da ermida.

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Capela de San Mamede

Capela de San Xosé da Floresta

Igrexa de Santa Comba de Rianxo

Capela do Pazo dos Calotes