Cruceiro de Porto

Cruceiro de Porto - Pontecesures - San Xulián de Requeixo

Imaxe: José Alberto Solla Barreiro

Cruceiro do tipo de crucifixo, coa súa parte superior moi traballada cun sentido do equilibrio na profusa decoración, que en ningún momento cae na estridencia, nin no fatuo. Para comezar, o seu capitel susténtase sobre unha dobre voluta octogonal, como o fuste, e presenta unha ornamentación vexetal que evita así as esquinas en arestas e deixa un espazo entre folla e folla ocupado pola cuncha de vieira. Arriba, a cruz con deseño octogonal e remates cadrados, con fendas que lle dan un aire grácil na Nai, coa cabeza suavemente erguida mirando ao ceo. Abaixo non hai basa porque non puido ser rescatada do leito do río, senón unha pedra de gran tamaño que pon un contrapunto natural ao traballo humano. O fuste, que como queda dito é octogonal na súa parte superior, ten deseño cadrado na inferior. A media altura, a estatua do Apóstolo Santiago rompe o concerto de liñas rectas que converxen cara ao ceo.

Forma parte do Vía Crucis fluvial do Mar de Arousa e Ulla. Orixinariamente non foi colocado na Praza dos Valeiros, senón que se fixo unha zona que non resistiu o peso debido á drenaxe do río Ulla. Esta drenaxe foi provocando o corremento de terras cara ao fondo desde a beira do río, e aí foi onde acabou o cruceiro, á altura dun lugar do río chamado Pozo da Cova. O barrio de Os Valeiros é un barrio de pescadores. Fai máis de tres décadas atoparon o cruceiro cando estaba a punto de desaparecer para sempre, inzárono ás súas embarcacións e levárono ao lugar onde se empraza na actualidade.

  • INFORMACIÓN
  • Código: PO-ER003
  • Outras denominacións: Cruceiro da Praza dos Valeiros
  • Tipoloxía: Elementos relixiosos
  • Cronoloxía: Século XX
  • Concello: Pontecesures
  • Parroquia: San Xulián de Requeixo
  • Lugar: Praza dos Valeiros
  • Acceso a pé: Bo
  • Galería de imaxes: Acceder
  • Conservación:

    No 2007 foi derrubado polo camión dunha orquestra.

  • Protección:

    Plan Xeral de Ordenación Municipal do Concello de Pontecesures (PO J)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Plan Xeral de Ordenación Municipal do Concello de Pontecesures, aprobado o 27 de xuño de 2003

    Guía de Cruceiros Xacobeos no Camiño do Mar de Arousa e Ulla. Fundación Ruta Xacobea do Mar de Arousa e Ulla, 2012

    Cruceiros de Galicia

    Guía de Cruceiros Xacobeos no Camiño do Mar de Arousa e Ulla

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Cruceiro da Igrexa Parroquial de Pontecesures

Cruceiro da rúa Sagasta

Cruceiro de Carreiras

Cruceiro de San Lázaro