Pombal Nº 1 da Casa de Aguirre

Pombal Nº 1 da Casa de Aguirre - Dodro - San Xoán de Laíño

Imaxe: Beatriz Pereiras

Na horta da Casa de Aguirre, nun alto, xunto a outro pombal.

De planta circular e muros de cachotaría, agás a porta de acceso que é de perpiaño. Fachada encintada con morteiro de cemento, así como lousas perimétricos que sobresaen do mesmo á altura dos buratos existentes para a entrada e saída das pombas. Cuberta cónica con acabado de tella do país sobre entramado de madeira, con remate xeométrico decorativo de pedra. Mide 4 metros de altura e 15 de perímetro.

Segundo a ficha do Inventario de Patrimonio, dataríase, con reservas, en 1780. Este pombal foi construído, como todos os elementos da familia Aguirre, polos canteiros que tamén fixeron o templo parroquial. Se a mansión señorial pode situarse por 1758, o pombal dataría dalgúns anos despois. Forma parte dun conxunto arquitectónico único, formado por dous hórreos, dous pombais, casa de caseiro, reloxo de sol e outros elementos.

  • INFORMACIÓN
  • Código: DO-OC004
  • Outras denominacións:
  • Tipoloxía: Obra civil
  • Cronoloxía: 1780
  • Concello: Dodro
  • Parroquia: San Xoán de Laíño
  • Lugar: Imo
  • Acceso a pé: Bo
  • Galería de imaxes: Acceder
  • Conservación:

    Moi bo, actualmente restaurado.

  • Protección:

    Plan Xeral de Ordenación Municipal do Concello de Dodro (CP-02)

    Inventario Xeral do Patrimonio Cultural de Galicia

  • Referencias:

    Traballo de inventariado feito por Beatríz Pereiras en 2010

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Pontella do Muíño de Riba

Ponte do Portanchiño

Pombal de Ferreirós

Pombal de Rialiño