Pombal da casa reitoral de San Xoán de Laíño

Pombal da casa reitoral de San Xoán de Laíño - Dodro - San Xoán de Laíño

Imaxe: Beatriz Pereiras

Localízase nun pequeno outeiro no igrexario, na finca que se estende detrás da casa reitoral.

De planta circular e muros de cachotaría, agás na porta de acceso que é de perpiaño. Presenta as paredes encintadas con morteiro de cemento e restos do encalado. Ten unha repisa perimétrica de lousas á altura dos buratos para a entrada e saída das pombas. Cuberta cónica con acabado de tella do país sobre entramado de madeira e con remate en lousas de pedra. O tellado remata nun elemento decorativo discoide de pedra. Entrada alintelada con porta de madeira con decoración xeométrica por medio de perforacións na madeira. Presenta unhas pedras fronte á porta a xeito de escadas para acceder ao interior. Mide 15 metros de perímetro e 4 de altura.

Segundo a ficha de Patrimonio, este pombal dataría entorno ao ano 1780, sendo contemporáneo da igrexa parroquial e da casa reitoral.

  • INFORMACIÓN
  • Código: DO-OC002
  • Outras denominacións:
  • Tipoloxía: Obra civil
  • Cronoloxía: 1780
  • Concello: Dodro
  • Parroquia: San Xoán de Laíño
  • Lugar: Imo
  • Acceso a pé: Bo
  • Galería de imaxes: Acceder
  • Conservación:

    Regular, coas paredes algo desconchadas e coa pedra en parte manchada con musgo. A cubrición está en mal estado, faltándolle parte das tellas.

  • Protección:

    Plan Xeral de Ordenación Municipal do Concello de Dodro (CP-16)

    Inventario Xeral do Patrimonio Cultural de Galicia

  • Referencias:

    Traballo de inventariado feito por Beatríz Pereiras en 2010

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Pombal do Outeiriño

Reloxo de sol Nº 3 de Rial da Lagoa

Pombal de Castro

Ponte do Portanchiño