Hórreo de Tallós

Hórreo de Tallós - Dodro - San Xián de Laíño

Imaxe: Beatriz Pereiras

Pertence á casa nº 13 do núcleo, ao pé da AC-305, case enfronte da Escola da Emigración de Tallós. Situado no xardín privado da vivenda.

A cimentación é unha repisa baixa de perpiaño de granito, duns 30 centímetros de altura. Os soportes son tres cepas de pedra, de factura algo ruda e non moi altas, con molduras na parte superior (en forma de T). O tornarratos é unha peza corrida ao longo do corpo do hórreo. Ten dous claros, con balaústres de madeira e dúas cintas. Columnas e cornixa de pedra. Penal dianteiro de pedra con porta de madeira, co van rematado en arco, e penal traseiro tamén de pedra sen ventilación e encintado con cemento. Sobrepenas nos dous pinches, ambos de pedra. Cubrición de tella do país. Remates: cruz latina baixa e grosa, de sección cuadrangular, sobre escocia; e pináculo de gran tamaño, moi groso, piriforme, rematado nunha gran bóla achatada e angulosa, sobre base cuadrangular. Orientado ao E.

No 2010, di unha veciña que lle acorda toda a vida o hórreo, que debe ser antigo, de máis de cen anos. Parece ser que foi traído desde Xei (Rois).

  • INFORMACIÓN
  • Código: DO-HO172
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Tallós
  • Acceso a pé: Bo
  • Galería de imaxes: Acceder
  • Conservación:

    Moi boa, foi restaurado polos propietarios, renovando a madeira e a cubrición.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 153)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Castro

Hórreo da Devesa

Hórreo de Lestrobe

Hórreo de Bustelo