Hórreo de Dodriño

Hórreo de Dodriño - Dodro - Santa María de Dodro

Imaxe: Beatriz Pereiras

Moi próximo a unha vivenda.

Bonito exemplar de hórreo mixto. Cimentado sobre unha repisa de cachotaría de granito con restos de recebado de cemento, duns 20 centímetros de alto. Os soportes son dúas cepas de pedra. O tornarratos é unha única peza corrida ao longo de todo o corpo do hórreo, con restos de recebado. Ten un só claro (fáltalle o claro sur), con balaústres de madeira e dúas cintas, en moi mal estado de conservación. Non ten linteis. Columnas e cornixa de pedra. Penal da fronte de pedra con porta de madeira e penal traseiro tamén de pedra cen fendas de ventilación horizontais. Ten sobrepenas no pinche dianteiro, sendo os dous pinches de pedra. Cubrición de tella do país. Só conserva un remate, unha cruz latina florenzada con botón central e sección romboidal sobre escocia e esta sobre pedestal cuadrangular. Orientado ao NE.

No 2010, din os veciños que é moi antigo, máis de cen anos; unha das veciñas asegura que debe ser o máis antigo da aldea. Orixinalmente tiña dous claros, pero caeu un e, despois de arranxalo, quedou cun só claro.

  • INFORMACIÓN
  • Código: DO-HO086
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: Santa María de Dodro
  • Lugar: Dodriño
  • Acceso a pé: Bo
  • Galería de imaxes: Acceder
  • Conservación:

    Regular, a madeira está en bastante mal estado, así como a cubrición. Fáltalle un dos remates.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 8)

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Hórreo de Vigo

Hórreo de Lestrobe

Hórreo de Manselle

Hórreo de Manselle