Hórreo de Manselle
Imaxe: Beatriz Pereiras
Situado na Aldea de Riba, nun alto, no lugar chamado Fondo do Agro.
A cimentación non é visible, xa que está cuberto de vexetación. Os soportes son catro cepas de pedra, cubertas tamén de hedra. O tornarratos é unha peza corrida ao longo do corpo do hórreo. Ten tres claros, con balaústres de madeira e dúas cintas, aínda que o claro do medio xa non conserva a madeira. Con dúas portas de madeira no lateral leste. Non ten linteis. Columnas de pedra e cornixa de madeira. Penal dianteiro de pedra cos restos da porta de madeira, e penal traseiro de pedra sen ventilación, con unha data inscrita: 1842. Sobrepenas nos dous pinches, ambos de pedra. Armazón de madeira, con arcos para suxeitar a cubrición, de tella do país, atopándose en moi mal estado no claro norte, non conservándose no claro do medio e de uralita no claro sur. Remates: cruz latina alta florenzada con botón central e ángulos en chafrán, sobre base cuadrangular; e pináculo piramidal sobre base cuadrangular. Orientado ao N.
No penal traseiro é visible unha data inscrita, que se supón que é o ano de construción: 1842.
- INFORMACIÓN
- Código: DO-HO183
- Outras denominacións:
- Tipoloxía: Hórreos
- Cronoloxía: 1842
- Concello: Dodro
- Parroquia: San Xián de Laíño
- Lugar: Manselle
- Acceso a pé: Bo
- Galería de imaxes: Acceder
- Conservación:
Moi mala, a madeira e a cubrición están en moi mal estado, sobre todo no claro do medio, que apenas as conserva.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 103)
- XEOLOCALIZACIÓN
- Coordenadas: 42.731214646553 , -8.7190904746093
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.