Hórreo de Manselle
Imaxe: Beatriz Pereiras
Localizado na Aldea de Riba, nun alto, ao pé dunha pista.
A cimentación é unha repisa alta de cachotaría de granito encintada con cemento, duns 2 metros de altura. Os soportes son tres cepas de pedra, coa pedra superior máis ancha, de forma troncopiramidal cos extremos redondeados, a xeito de moldura. Os gabinetes están pechados con ladrillo e cemento. A porta de acceso estaría no lateral leste. O tornarratos é unha peza corrida ao longo do corpo do hórreo. Ten dous claros pechados con ladrillo. Non ten linteis. Columnas e cornixa de pedra. Os dous penais son de pedra, encintado con cemento o do norte, sen ventilación. No penal sur é visible unha data inscrita: 1811. Sobrepenas nos dous pinches, ambos de pedra. A cubrición é de uralita. Remates: cruz latina baixa de sección cuadrangular, moi gastada; e pináculo piramidal moi ancho e baixo, sobre base cuadrangular. Orientado ao N-S.
No penal sur é visible unha data inscrita, suponse que é a de fabricación: 1811.
- INFORMACIÓN
- Código: DO-HO193
- Outras denominacións:
- Tipoloxía: Hórreos
- Cronoloxía: 1811
- Concello: Dodro
- Parroquia: San Xián de Laíño
- Lugar: Manselle
- Acceso a pé: Bo
- Galería de imaxes: Acceder
- Conservación:
Mala, non conservando a madeira, sendo substituída por ladrillos. Así mesmo, a cubrición de tella desapareceu, sendo actualmente de uralita. Introduce tamén ladrillos e cemento nos gabinetes. Sería preciso limpar a pedra.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 102)
- XEOLOCALIZACIÓN
- Coordenadas: 42.730966126311 , -8.7190925374939
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.