Hórreo de Tarrío

Hórreo de Tarrío - Dodro - San Xián de Laíño

Imaxe: Beatriz Pereiras

Situado nun pequeno patio pechado situado detrás da casa á que pertence, correspondente ao solar nº 30.

A cimentación é unha repisa de cachotaría de granito, recebada con cemento no seu lateral Oeste, medindo 50 centímetros por este lado e 1 metro polo lateral leste. Os soportes son catro cepas de pedra molduradas na parte superior, tamén recebadas con cemento no extremo superior. Os gabinetes están pechados con cemento e ladrillo, cada un cunha porta de madeira e malla metálica para gardar animais (coellos). O tornarratos é unha peza corrida ao longo do corpo do hórreo. Ten tres claros, pechados con ladrillo, cunha porta no lateral oeste, pintada de verde e enmarcada con dúas columnas, unha de pedra e outra de cemento. Columnas e cornixa de pedra, unidas con cemento. Penal dianteiro de pedra con porta de madeira pintada de verde e co van rematado en arco de medio punto, e penal traseiro de pedra sen ventilación. Sobrepenas nos dous pinches, ambos de pedra. Cubrición de tella plana. Remates: cruz latina baixa e moi ruda, de sección cuadrangular sobre base cuadrangular e pináculo en forma de anforeta con remate superior cuadrangular horizontal. Orientado ao NE.

No 2010, a propietaria non sabe concretar a antigüidade, pero que tería máis de cen anos. Pola súa factura parece, efectivamente, ter certa antigüidade.

  • INFORMACIÓN
  • Código: DO-HO028
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Tarrío
  • Acceso a pé: Bo
  • Galería de imaxes: Acceder
  • Conservación:

    Mala, non conservando as madeiras dos claros, sendo substituídas por ladrillo, e introducindo outros materiais de construción modernos como o cemento ou a tella plana.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 157)

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Hórreo de Lestrobe

Hórreo de Manselle

Hórreo de Manselle

Hórreo de Lestrobe