Cruceiro do Laranxo

Cruceiro do Laranxo - Dodro - Santa María de Dodro

Imaxe: Cruceiros de Galicia

Nunha estrada secundaria, próxima ao patio dunha vivenda/restaurante, no cruce dun camiño coa estrada AC-305 (quilómetro 1).

Cruceiro de granito e formigón. A basa mide 0,70 metros por 0,40, o fuste 0,20 e a altura total é 3,75. O baseamento é unha plataforma cuadrangular de formigón. O pedestal é cuadrangular e unha gran falsa escocia, con partes en formigón. O varal é un fuste de sección octogonal en toda a súa lonxitude. O capitel é octogonal con cuarto bocel rematado en ábaco de lados rectos. A cruz é de sección circular. No anverso da cruz ten un Cristo crucificado con tres cravos, inclinando a cabeza cara á dereita, coas mans abertas, coroa de espiñas, pano de pureza suxeito cunha corda e INRI (pergamiño). No reverso hai unha Virxe en actitude de orar, coas mans en cruz sobre o peito e sobre peaña.

Ten máis de 100 anos, aínda que non se pode especificar a data. Os veciños  chámanlle o Cruceiro do Laranxo porque ao lado hai un bar chamado O Laranxo.

  • INFORMACIÓN
  • Código: DO-ER017
  • Outras denominacións:
  • Tipoloxía: Elementos relixiosos
  • Cronoloxía: -
  • Concello: Dodro
  • Parroquia: Santa María de Dodro
  • Lugar: A Igrexa
  • Acceso a pé: Bo
  • Galería de imaxes: Acceder
  • Conservación:

    Regular. A base actual é de formigón. Precisa de limpeza da pedra e adecuación da contorna.

  • Protección:

    Plan Xeral de Ordenación Municipal do Concello de Dodro (CR-17)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Traballo de inventariado feito por Beatríz Pereiras en 2010

    Cruceiros de Galicia

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Cruceiro de Trasdopazo

Cruceiro de Alfredo

Cruceiro do Abelán

Cruceiro de Bustelo