Cruceiro das Escuras

Cruceiro das Escuras - Dodro - San Xoán de Laíño

Imaxe: Refoxeiro

Nunha beira da estrada Bexo-Burés, a 1 quilómetro da aldea de Bexo. No cruce entre a estrada AC-305 (antigo Camiño Real) e a pista que vai para a igrexa parroquial. Ademais, este cruceiro separa Bexo de Arriba de Bexo de Abaixo.

Construído en granito. Mide 4 metros de alto por 2 de ancho. Baseamento cuadrangular, con catro gradas. O pedestal é cuadrangular con paramentos recadrados, símbolos moi erosionados. O varal é de sección cadrada con chafráns, pedestal cuadrangular, recadrado, remata con follas, actualmente moi erosionadas, cunha imaxe dun santo a media altura coas letras SD debaixo (Santo Domingo? San Francisco?). O capitel é cilíndrico con astrágalo circular e liso, ábaco cuadrangular con volutas; sobre este, hai outro capitel de factura máis recente cuadrangular moldurado. A cruz é de sección rectangular con recruceta, brazos con mediacana e remates de forma aforquillada. No anverso da cruz ten un Cristo crucificado con tres cravos, inclinando a cabeza cara a dereita, coas mans abertas. Con coroa de espiñas, pano de pureza anoado á esquerda e INRI (pergamiño). No reverso da cruz hai unha Virxe con manto en actitude de orar, coas mans xuntas e sobre peaña.

Ten máis de 100 anos, de finais do século XIX-principios do XX. O cortexo fúnebre paraba ao pasar diante para rezar unha oración polo defunto. Relacionado con visións da Santa Compaña e co famoso bandoleiro do Araño Xan Quinto. Actualmente aínda se ven restos de devoción nas grades (tarro con flores e cirios abandonados).

  • INFORMACIÓN
  • Código: DO-ER015
  • Outras denominacións: Cruceiro de Grandín
  • Tipoloxía: Elementos relixiosos
  • Cronoloxía: Século XIX
  • Concello: Dodro
  • Parroquia: San Xoán de Laíño
  • Lugar: Bexo
  • Acceso a pé: Bo
  • Galería de imaxes: Acceder
  • Conservación:

    Mala, recomposto con pezas doutro cruceiro.

  • Protección:

    Plan Xeral de Ordenación Municipal do Concello de Dodro (CR-15)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Traballo de inventariado feito por Beatríz Pereiras en 2010

    Sendeiros de Dodro

    Patrimonio Galego

    Cruceiros de Galicia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Cruceiro de Gradín

Cruceiro da Brañiña

Cruceiro de Dodriño

Cruceiro de Ignacio