Cruceiro do Castro

Cruceiro do Castro - Dodro - Santa María de Dodro

Imaxe: Xoán Xosé Vicente

Atópase ao longo dunha pista, mirando á igrexa parroquial. Actualmente está bastante oculto entre as árbores.

Cruceiro de granito. Non ten baseamento, está sobre unha rocha natural. Non ten pedestal. O varal é de sección octogonal, con pedestal cuadrangular, moldurado. O capitel é cuadrangular, moldurado con cuarto bocel e mediacana. A cruz é de sección octogonal, con remates florenzados con botón central.

Ten máis de 100 anos. A denominación de Cruz do Castro pode facer referencia a un asentamento fortificado no lugar, que non está catalogado nin hai restos visibles. Próximo, a uns 200 metros, atopouse unha cabeza de pedra na esquina dun penedo de forma cúbica, como as que se atoparon en varias defensas castrexas. Na contorna hai lendas de mouros e a 300 metros máis ao norte está a Fonte do Sebreiro, onde os ditos din que se ven luces e unha moura. Na contorna tamén está a Gran Pedra Redonda que foi deixada alí por un xigante. Por estar nun penedo cabe a posibilidade de cristianización de ritos pagáns.

  • INFORMACIÓN
  • Código: DO-ER029
  • Outras denominacións: Cruz de Castro ou Cruz do Agro
  • Tipoloxía: Elementos relixiosos
  • Cronoloxía: Século XIX
  • Concello: Dodro
  • Parroquia: Santa María de Dodro
  • Lugar: Dodriño
  • Acceso a pé: Bo
  • Galería de imaxes: Acceder
  • Conservación:

    Mala, gravemente alterado (o capitel está roto). Sería preciso reconstruír o capitel e limpar a pedra.

  • Protección:

    Plan Xeral de Ordenación Municipal do Concello de Dodro (CR-29)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Traballo de inventariado feito por Beatríz Pereiras en 2010

    Sendeiros de Dodro

    Patrimonio Galego

    Cruceiros de Galicia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Cruceiro do Castro

Cruz da Chan da Viña

Cruz de Rial da Lagoa

Cruceiro da Veiga