Cruceiro da Veiga

Cruceiro da Veiga - Dodro - San Xoán de Laíño

Imaxe: Cruceiros de Galicia

No cruce da estrada AC-305 coas estradas que levan a Imo e a Castro. Por tanto, cruce de 3 camiños. É visible ao carón da referida estrada AC-305.

Cruceiro de granito. Mide 3,70 metros de alto e 1 de ancho. O baseamento é cuadrangular, con dúas gradas. O pedestal é un bloque cuadrangular con recadros rebaixados en cada unha das súas caras. O varal é de sección cuadrangular na parte inferior e superior, e cos ángulos en chafrán no medio. O capitel é cuadrangular, con astrágalo e ábaco rectangulares e lisos, cunha cara de anxo con dúas volutas e dúas follas en cada cara. A cruz é de sección octogonal. No anverso da cruz ten un Cristo crucificado con tres cravos, inclinando a cabeza cara o ombro dereito, coas mans abertas. Con coroa de espiñas, pano de pureza anoado á dereita, INRI (pergamiño). No reverso da cruz hai unha Virxe en actitude de orar, coas mans xuntas e sobre peaña.

O conxunto é moi antigo, ten máis de cen anos, con excepción da columna, que foi posta de novo. Debeu de perder a antiga columna que tiña porque os veciños lémbranse de ver a cruz directamente sobre o pedestal. Parece que foi desprazado uns poucos metros ao leste con respecto á súa implantación orixinal, cando foi da concentración parcelaria. O cruceiro sinaliza un cruce de camiños. O cortexo fúnebre paraba diante e rezábase unha oración polo defunto.

  • INFORMACIÓN
  • Código: DO-ER028
  • Outras denominacións:
  • Tipoloxía: Elementos relixiosos
  • Cronoloxía: -
  • Concello: Dodro
  • Parroquia: San Xoán de Laíño
  • Lugar: Imo
  • Acceso a pé: Bo
  • Galería de imaxes: Acceder
  • Conservación:

    Regular.

  • Protección:

    Plan Xeral de Ordenación Municipal do Concello de Dodro (CR-28)

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Traballo de inventariado feito por Beatríz Pereiras en 2010

    Cruceiros de Galicia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Cruceiro da Paxareira

Cruceiro da Arregañada

Cruceiro do Naval

Cruceiro do Botafal