Pazo dos Torrado de Brión
Imaxe: CRA de Rianxo
Pazo de estilo barro que data do século XVII, cunha reconstrución no XVIII. Situado xunto á Capela dos Desamparados no lugar de Brión. O patio péchase coa Capela dos Desamparados, que formaba parte do pazo. Fabricado en pedra, deixando á vista perpiaños irregulares de bo tamaño, e cuberto de tella curva, consta de dúas plantas, a inferior utilizada para diversos usos e a superior que conformaba a ampla vivenda. A vivenda consta de múltiples estancias entre as que destacan a cociña e a enorme lareira, con dous fornos; dúas salas, a galería, un antigo retrete, e o soto, onde se conserva unha prensa para facer o mosto.
O portalón de acceso á finca presenta tres cruces de pedra e catro pináculos a modo de ameas sobre o lintel, sendo estes os únicos elementos decorativos de toda a estrutura. Destacan no exterior un cuberto cun lagar en bo estado de conservación, unha fonte no xardín posterior, a robusta cheminea e o hórreo. O escudo da liñaxe dos señores do pazo está situado na capela; a serea corresponde cos Mariño, e o brasón que apreixa é o dos Torrado, donos tamén do Pazo dos Torrado de Asadelos.
Castelao e Bouza-Brey publican no número 113 de 1933 da revista Nós, un artigo sobre os escudos de Rianxo, no que que inclúe o do Pazo dos Torrado de Brión.
- INFORMACIÓN
- Código: RI-AC026
- Outras denominacións:
- Tipoloxía: Arquitectura civil
- Cronoloxía: Século XVII
- Concello: Rianxo
- Parroquia: Santa María de Leiro
- Lugar: Brión
- Acceso a pé: Bo
- Galería de imaxes: Acceder
- Conservación:
Na actualidade está practicamente abandonado, mais é atendido polos veciños do lugar.
- Protección:
Plan Xeral de Ordenación Municipal do Concello de Rianxo (B-023)
Inventario Xeral do Patrimonio Cultural de Galicia
- Referencias:
Plan Xeral de Ordenación Municipal do Concello de Rianxo - Aprobación inicial de maio 2014
- XEOLOCALIZACIÓN
- Coordenadas: 42.645965937305 , -8.795766418575
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.
