Restaurante Feliciano

Restaurante Feliciano - Rianxo - Santa Comba de Rianxo

Imaxe: roteirocastelao.gal

Creado por Feliciano Rial Fungueiriño no ano 1946, foi o primeiro lugar de Galicia onde soaron os compases da melodía que hoxe é considerada como o segundo himno galego, "A Rianxeira", versión da canción “Ondiñas do mar” realizada por Anxo Romero e Xesús Frieiro Pinciñas no ano 1947, a instancias da Sociedad de Parroquias Unidas del Ayuntamiento de Rianjo en Bos Aires, e interpretada con instrumentos de corda polo Coro Castelao. Fora estreada para recibir a Castelao no porto bonaerense, ao seu regreso de París, a onde viaxara despois de ser nomeado ministro da República no exilio.

Posteriormente o Centro Galego de Bos Aires enviou unha copia do disco orixinal ao Restaurante Feliciano, onde o seu dono, Feliciano Rial, colocou un tocadiscos no balcón para que puidese escoitarse desde a rúa.

Esta casa foi tamén a última residencia dos curmáns de Castelao, os irmáns José Losada Castelao e Manuel Rodríguez Castelao, até consumarse a traxedia da Guerra Civil.

  • INFORMACIÓN
  • Código: RI-AC064
  • Outras denominacións:
  • Tipoloxía: Arquitectura civil
  • Cronoloxía: Século XX
  • Concello: Rianxo
  • Parroquia: Santa Comba de Rianxo
  • Lugar: Rúa do Medio
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (CH-1)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

    Roteiro Castelao

    La Voz de Galicia

    Rianxo, terra dos meus avós

    culturagalega.gal

    El Correo Gallego

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Casa reitoral de Santa María de Leiro

Casas da Mámoa

Sede do Partido Galeguista de Asados

Casa de Álvaro Núñez de Isorna