Casa reitoral de Santa Baia do Araño

A casa reitoral de Traba está situada no extremo sueste do lugar, no interior dunha finca de grandes dimensións, na contorna igrexa parroquial. Trátase dun conxunto formado por varios volumes ao que se accede, desde a estrada, mediante un portón alintelado sobre o muro de peche perimetral. Unha cruz cun cristo crucificado preside a súa entrada. Edificación principal de planta rectangular e dous andares, resolta con muros de cachotaría e cuberta a catro augas de tella, sobre estrutura de madeira. Composición sinxela das fachadas, con ocos rectangulares con peitorís e tornachuvias de granito. As construcións auxiliares dispostas en torno á vivenda, están resoltas co mesmo sistema construtivo.