Fonte e lavadoiro de Grobas

Fonte e lavadoiro de Grobas - Pontecesures - San Xulián de Requeixo

Imaxe: CPI Pontecesures

Localízanse no lugar de Grobas e foron construídos no ano 1949. A fonte ten 3 canos e un pousadoiro ao lado para colocar a sella chea de auga, sendo así máis sinxelo subila á cabeza. O lavadoiro está a continuación da fonte. Mide 2,20 metros de longo e 2 metros de ancho. As lousas para lavar sitúanse nun dos lados da pía. Como curiosidade cabe destacar que, por onde sae a auga do lavadoiro, hai outra pequena lousa para lavar. Segundo fontes locais, antigamente os cueiros dos nenos eran de tea e este era o lugar onde se lavaban de xeito que así non se emporcallaba o resto da auga do lavadoiro. Na actualidade está en desuso e a auga emprégase para regar por inundación as leiras próximas.

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Lavadoiro de San Xulián

Fonte de Zabala

Fonte de Infesta

Fonte e lavadoiro da Serva