Hórreo de Teaio

Hórreo de Teaio - Dodro - San Xoán de Laíño

Imaxe: Beatriz Pereiras

Conxunto de hórreo e pombal no interior da horta dos seu propietario, no lugar coñecido como Agro da Chousa, no Quinteiro de Arriba. 

A cimentación é unha repisa alta de cachotaría de granito, cunhas escadas de pedra con catro grades paralelas á repisa, no lateral leste. Os soportes son catro cepas de pedra, encintadas con cemento e con restos de recebado, co perpiaño superior en posición horizontal. Tornarratos corrido ao longo do corpo do hórreo. Ten tres claros, con balaústres de madeira e dúas cintas, a madeira pintada de vermello no lateral leste. Ten unha porta de madeira no lateral leste. Os esquinais son de pedra, con sete fendas de ventilación horizontais. Non ten linteis. Columnas e cornixa de pedra. Os dous penais son de pedra, con 18 fendas de ventilación horizontais dispostas en dúas ringleiras de 9 fendas cada unha. Sobrepenas nos dous pinches, ambos de pedra. Cubrición de tella do país, cuberta de herba. Remates: cruz latina alta de sección cilíndrica, sobre base en escocia: e pináculo en forma de anforeta rematado nunha gran bóla. Orientación NE-SW.

Segundo a ficha do Inventario de Patrimonio, dataría da década de 1920. Pola tipoloxía do hórreo, parece datarse a comezos do século XX.

  • INFORMACIÓN
  • Código: DO-HO009
  • Outras denominacións: Hórreo de Manolo Garrido
  • Tipoloxía: Hórreos
  • Cronoloxía: 1920
  • Concello: Dodro
  • Parroquia: San Xoán de Laíño
  • Lugar: Teaio
  • Acceso a pé: Bo
  • Galería de imaxes: Acceder
  • Conservación:

    Mala, en estado de abandono, con parte da madeira e a cubrición en mal estado, estando as tellas e a pedra cubertas de vexetación.

  • Protección:

    Plan Xeral de Ordenación Municipal do Concello de Dodro (CP-19)

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 263)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Teaio

Hórreo de Tallós

Hórreo de Imo

Hórreo da casa reitoral de San Xián de Laíño