Hórreo de Teaio

Hórreo de Teaio - Dodro - San Xoán de Laíño

Imaxe: Beatriz Pereiras

No Quinteiro de Abaixo, nunha parcela privada pechada, ao lado do Bar Gómez.

A cimentación debe ser unha repisa de cachotaría de granito, como o resto dos hórreos de Teaio. Os soportes son catro cepas de pedra. Os gabinetes están pechados con ladrillo, para usos domésticos. Tornarratos corrido ao longo do corpo do hórreo. Ten tres claros, pechados con ladrillo e cunha porta de chapa metálica no lateral leste. Os esquinais son de pedra, con oito fendas de ventilación horizontais. Linteis de pedra, con dúas fendas de ventilación horizontais cada un. Columnas e cornixa de pedra. Os dous penais son de pedra, con 20 fendas de ventilación horizontais dispostas en dúas ringleiras de 10 fendas cada unha. Sobrepenas nos dous pinches, ambos de pedra. Cubrición de tella do país. Remates: dúas cruces florenzadas cos ángulos en chafrán e sobre base en escocia. Orientado ao NE-SW.

No 2010, segundo o propietario, andaría preto dos cen anos. Orixinalmente era máis grande, e estaba emprazado un metros máis ao NE, mais fixeron unha casa no seu emprazamento e trasladárono ao actual lugar, quitándolle un claro.

  • INFORMACIÓN
  • Código: DO-HO110
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xoán de Laíño
  • Lugar: Teaio
  • Acceso a pé: Bo
  • Galería de imaxes: Acceder
  • Conservación:

    Mala, substituíndo a madeira por ladrillo, o cal tamén é visible nos gabinetes. Orixinalmente era máis grande, perdendo un claro no traslado. A pedra está bastante cuberta de musgo e liques.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 259)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Tarrío

Hórreo de Reboiras

Hórreo de Lestrobe

Hórreo de Teaio