Hórreo de Pexegueiro

Hórreo de Pexegueiro - Dodro - San Xián de Laíño

Imaxe: Beatriz Pereiras

Situado enriba dun muro de peche dunha finca, fronte a casa á que pertence, o solar número 10, ao pé dunha pista asfaltada. Ao lado, a escasos metros, hai unha fonte de pedra, antigo lavadoiro da aldea, que aínda bota auga.

A cimentación é unha repisa alta de cachotaría de granito que serve de muro de peche a unha finca á beira dun camiño, actualmente asfaltado. Ten uns 2,50 metros de altura. Os soportes son tres cepas de pedra. O tornarratos é unha peza corrida ao longo do corpo do hórreo. Ten dous claros, con balaústres de madeira e dúas cintas, con porta de madeira no lateral oeste. Lintel, columnas e cornixa de pedra. Penal dianteiro de pedra con porta de madeira e penal traseiro tamén de pedra sen ventilación. Sobrepenas nos dous pinches, ambos de pedra. Cubrición de uralita e por riba tella do país. Remates: cruz latina alta de sección cuadrangular sobre base troncopiramidal e pináculo piramidal. Orientado ao N.

No 2010, a propietaria di que tería máis de cen anos, que a súa nai, de 82 anos, xa non lle acorda de facer.

  • INFORMACIÓN
  • Código: DO-HO082
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Pexegueiro
  • Acceso a pé: Bo
  • Galería de imaxes: Acceder
  • Conservación:

    Boa, madeira e cubrición restauradas polos propietarios.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 113)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Castro

Hórreo de Paizal

Hórreo de Rial da Lagoa

Hórreo de Vigo