Hórreo de Lestrobe

Hórreo de Lestrobe - Dodro - Santa María de Dodro

Imaxe: Beatriz Pereiras

Nunha finca pechada cunha vivenda tradicional restaurada, o nº 1 da Boca do Monte.

Presenta como soportes seis pés en forma de columnas de sección cuadrangular dispostas de dúas en dúas, asentando cada unha sobre un bloque de pedra rectangular transversal. O tornarratos é unha pedra transversal sobre cada par de pés, estando en partes restaurado con cemento. Ten dous claros, con balaústres de madeira e dúas cintas, cunha porta de madeira no lateral norte. Linteis e columnas de pedra e cornixa de madeira. O penal traseiro é de pedra e madeira restaurada con dúas cintas, sendo aproveitada a cinta superior para asentar unha repisa de madeira, sobre a que son visibles dous orificios nos balaústres, empregándose como pombal. O pinche é de madeira. A cubrición é de uralita. Non conserva os remates. Orientado ao NE.

No 2010, comentan os veciños que debe ser antigo, como a casa (máis de cen anos).

  • INFORMACIÓN
  • Código: DO-HO155
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: Santa María de Dodro
  • Lugar: Lestrobe
  • Acceso a pé: Bo
  • Galería de imaxes: Acceder
  • Conservación:

    Mala, parte da madeira está en malas condicións e ten partes restauradas con cemento, así como unha cubrición de uralita.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 34)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Teaio

Hórreo de Bustelo

Hórreo de Manselle

Hórreo de Lestrobe