Hórreo de Bexo

Hórreo de Bexo - Dodro - San Xoán de Laíño

Imaxe: Beatriz Pereiras

Localizado na Aldea de Abaixo, na zona do Quinteiro de Abaixo, no patio dunha propiedade privada nº 9.

A cimentación é unha repisa moi alta de cachotes e perpiaños de granito. A altura débese á necesidade de elevar o hórreo para que lle dea o vento. No lateral oeste son visibles, acaroadas paralelamente á plataforma, unhas escadas de pedra para facilitar o acceso ao hórreo. Os soportes son tres cepas de pedra de perpiaños. Os gabinetes están pechados con ladrillo.  Tornarratos corrido ao longo do corpo de todo o hórreo. Ten dous claros, con balaústres de madeira e unha cinta. Linteis, columnas e cornixa de pedra, este última moldurada. Penal frontal de pedra con porta de madeira, e penal traseiro de pedra con oito fendas de ventilación horizontais. Sobrepenas nos dous pinches, ambos de pedra. No pinche da parte posterior é visible a data de construción: 1913. Cubrición de tella plana. Remates: no penal frontal, cruz florenzada cos ángulos en chafrán sobre base cuadrangular, e a ambos lados, nos extremos da sobrepena, pináculo piramidal estilizado sobre base cuadrangular; e no pinche traseiro, pináculo de forma ovoide alongado, rematado en bóla ovoide e sobre base en escocia, e esta sobre pedestal cuadrangular, e a ambos lados tamén dous pináculos piramidais estilizados. Orientado ao NE. 

Segundo reza no pinche traseiro, é de 1913.

  • INFORMACIÓN
  • Código: DO-HO233
  • Outras denominacións: Hórreo de Varela
  • Tipoloxía: Hórreos
  • Cronoloxía: 1913
  • Concello: Dodro
  • Parroquia: San Xoán de Laíño
  • Lugar: Bexo
  • Acceso a pé: Bo
  • Galería de imaxes: Acceder
  • Conservación:

    Boa, coa madeira renovada, aínda que a tella do país foi substituída pola tella plana .

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 198)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Bexo

Hórreo de Vigo

Hórreo de Teaio

Hórreo de Sar